ودي بكلمه لو دعوة من القلب

ماله حــــــــــــق .. وقوليله لو كان حد من اهله في هالموقف وحب يتبرع وانتي رفضتي هل راح يسوي إلي انتي تبينه
قوليله كما تديـــــــــــــــــــــــــــــــــن تداااان .. هذي مب دعوة لكن تذكرة له

اهلج تعبوا وربوا وكبروا .. وآخر شي يي ويتحكم
عيل هم ليش يابوا عيــــــــال اذا مافي واحد فيهم بينفعهم في هالوقت

اذا ماحد نفعهم في هالضيق عيل متى !!!!

ولا هو بس حاب يسويها مشكلة !!!

ياختي هالكلام مب لج هذا الكلام لريلج .. بس خل يخاف ربه .. هذيلا والـــــــــــــــدين ورضاهم واجب
ومساعدتهم واااجب .. ناقشيه وسأليه شو السبب ؟؟ هذا مب سبب انج لو تبرعتي للوالد راح يطلقج ؟؟ هذا عذر اقبح من ذنب..،،


وانتي استخيري رب العــــــــالمين في هالمسأله والله مابيردج خائبة؟؟
والله يشفي لج الوالد ويطول لج بعمره وخليه ذخر وسنـــــــــــد لج آآآآآآآآآمين

لو انا مكانك والله لأعطي ابوي نور عيوني الثنتين فمابالك بكليتي
زوجك ماله حق يمنعك ولا تسمعين كلامة
لو مالقيتو اي احد يتبرعله بكليته غيرك لاتركين ابوك
الله لايقدر لو صار له شيء متأكدة انك بتكرهين زوجك طوول عمرك
استخيري ربك والله يشفي ابوك ويخلية لكم

قال امك قال ثم من قال امك قال ثم من قال امك قال ثم من قال ابوك
وما للزوج طاري والله نصيحه اعطي ابوك دامك محتسبه وتريدين الاجر من الله وربي راح يعوضك خير منه وخاصه انه ما فيه اطفال الله يرزقك الذرية الصالحه وهدا قمة الانانيه

شوفي اختي اعرف وحده قريبه لنا كانت ما تجيب اطفال وتبرعت لبوها من غير ابوها ما يدري بس برضى زوجها الله يجزاه خير
وكل ما سئل ابوها عنها ليه ما تزورني قالو ا له انها مسافره للعلاج للحمل وكان يدعي لها وما درى انها منومه معه بالمستشفى ومتبرعه له عشان نفسيته ما تنعكس على العمليه ويتعب المهم اكتشف بعد ما طلع وبكى لجلها كثير زهي كانت مبسوطه والله ما عدى عليها فتره الا وهي حامل بولد سبحان الله مع انها ضلت فوق 12 سنه ما انجبت وكل العمليات اللى سوتها ما نجحت لكن بعد التبرع حملت بالولد وبعد ما خلصت الاربعين حملت بالثاني واللحين عندها ولدين وتدعي ربها يرزقها بنت
شفتي اثر بر الوالدين والله هالمره الكل يحترمها لجت للمجالس ويثني عليها غير الاجر عند ربها وابوها اللحين بصحه وعافيه ولله الحمد بعد ما كان يتعذب بالغسيل
انت حاولي فيه ولاتتوانين عن بر والديك الله يكتب لك الخير

الله يفرج همك ...

ويخلي لك ابوك