اهم الخطوات لنجاح الرضاعة الطبيعية انك لما تولدي تطلبي من ممرضة الحضانة انهم ما يعطوا البيبي صناعي أبداً
و على طول تبدأي ترضعيه طبيعي
بالبداية تحسي بصعوبة أو البيبي ما حيعرف يمسك الصدر على طول بس شوي شوي حيتعلم
اهم شي لما يرضع تمسكي صدرك من بعد الهالة (الهالة الي حول الحلمة) تمسكيها لين اصباعيك السبابة و الإبهام ، الابهام من فوق و السبابة من تحت ( شوفي صور من النت و حتفهمي قصدي) يسموها مسكة حرف C
و اول ما البيبي يفتح فمه تدخلي صدرك على طول بحيث تدخل الحلمة و الهالة داخل فمه
في مستشفيات فيها أخصائية رضاعة تساعدك أو نفس الممرضة بالقسم ممكن تعلمك
ليش أقول لك ما يرضع صناعي أحسن، لأن البيبي اذا بدأ بالصناعي حيتكاسل يأخذ طبيعي لأنو الصناعي الحليب يطلع له بسهولة اما الطبيعي يحتاج شوي مجهود منه، و غير كذا الصناعي حيكبر معدة الطفل بسرعة و ما حيصير يشبع من الطبيعي
ربي يتمم لك على خير ❤️