السلام عليكم
الله يجزاكن كل الخير ياأخواتي على هذي الثقه ..ويسعدني أن أقول لكم أفكاري المتواضعه ..
صراحه ..أنا كنت في الموضوع لاعطاء أفكار ..وحسيت أن الامر ..تحول الي مشوره وثقه.... الله يسعدكم .
الله يعينا على أعطاء النافع من القول ..الناصح الهداف ....
أختي أم الشقحا ..وأختي حنوووون المزيون..أشكركم من الاعماق على الثقه هذي والحقيقه مشكله خروج الزوج من البيت وتوسعه الخلق انا ماشوفها مشكله عويصه ..!!!
بمعنى ...مثل ماأنتي تطفشين من البيت وتحبين تفضين خلقك مع الاهل والصديقات .(.المجتمع النسائي )..هو كمان يحب يتونس مع اللي مثل جنسه ..لكن القضيه أتوقع من اللي مصادقهم وهل هم أهل صلاح وخير ..هنا مربط الجمل ..لان بعض الازواج الغير سعداء مع زوجاتهم يأثرون على الاخرين ...فهنا يجي دورك بتقولين كيف ...طبعا مضايقك كثر طلعاته ...وتعلقه باصدقائه ...حقيقه أجلسي مع نفسك جلسه صادقه ...هل انتي السبب ؟؟؟هل هو الاهمال منك ..لحياته ...؟؟هل انا كثيره طلعات مثله ..وماأهتم ان دخل البيت او طلع ..؟؟؟
...مافي داعي اثقل اسئله
اذا تقولين لا والله ياختي مهو كذا الامر... انا مهتمه فيه ...ودائما اجلس معه ...
تري بعض النساء يكثرن السوالف مع الرجل اللي له داعي واللي ماله ...وماتخليله فرصه للكلام ..فيفضي خلقه بالسوالف مع اصدقائه لانه مالقى اذن صاغيه له ...
شوفي وش اهتماماته مثلا يحب يسولف عن السيارات او الجوالات ..او يحب الصقور ...والسوالف عنهن ...وتجاوبي معه ..بيجلس معك ويحس ان الكلام معك له طعم ...
معليش كثرت الكلام ادري بس والله يهمني انكن تفهمن علي ..
مثلا انا زوجي يطلع لاصدقائه ..بس يفقدني اذا ماكلمته اتطمن عليه ..(اذا هو مو متعود تكلمينه ارسلي رساله ...له)اهم شي تعلمينه انه على البال ..ومع الصبر راح يسوي نفس الشي يشتاق لك وهو في عز وناسته مع الاصدقاء ....
..يهمني انه يشتاق لي وهو عندهم ..وانه لما يرجع للبيت اكون بانتظاره مو نايمه ..ولا على بالي !!...اساله عن احواله ..لاحظن اسأله عن أحواله....مو أخنقه بالاسئله اللي مالها داعي ..!!!!!!!!!!!!!
لان كثر الاختناق يفر الرجل من البيت ...
صراحه ماأحب اللي بس تقول لزوجها أنت مو مهتم فيني ...انت تطلع بالساعات عند ربعك ولا سالت فيني ....؟؟؟
الرجل يحب الفعل مو الكلام ..يعني اهتمي انتي الاول به واتركي له الحريه كمان شوي ..من تبغين تعاتبينه على تاخره غيري الموجه.... وقولي له أشتقت لك يابعد ناسي..:27: مع تسبيلةالعيون كمان ...@@
.عوديه انه يفضفض لك عن وش صار معهم وش اللي استفاده او كسبه من معلومات جديده من اصدقائه ...صادقي زوجات أصدقائه وأعزميهن علشان تكونين بالصوره معه ..وكمان تقربين منه أكثر اذا هو من النوع الكتوم ....
..
مدري اذا قلت شيئ مفيد صراحه بس اني اكتب على سجيتي ..(((.وياليت الاخت عسل .. تطل علينا وتطمنا عنها ...)))
وأتمني للجميع السعاده والهناء..
ودمتن ..المحبه ..أترجه
:26:

السلام عليكم ورحمة اللة وبركاته
اشكرك أختي اترجه على الموضوع لكن انا زوجي مد من انترنت لايتركه ولذلك لاأعرف متى أقوم بهذه الحركات وهو يرى الأكثر في الانترنت اجيبيني؟؟؟:24: :24: :24:

السلام عليكم ..
هلا بالحبيبه ..أختي في الله ..المرسله ..
أشكرك ..للثقه ....والله يفرج لك كل هم ...ولا تهتمين ..
أنا أبغى أقول لك حلي ..لكن ..أتمنى أنك تـوافقين عليه ..وما تقولين صعب ...هاه وش رايك ...؟؟؟
أنا حاسه بك ..لان أدمان الزوج للانترنت ماله نهايه ....فلذلك ليش نسأل عن الحل ...؟؟؟أنا الى الان مادري وش نوعيه الاشياء اللي يشوفها ..او يقراها بالانترنت . ( على أني أتمنى أنها أشياء عاديه .)...لكن بغض النظر عن هذا
أسأل نفسي ليش هو مدمن انترنت..؟؟وليش أنا تاركته لحاله عنده ..؟؟؟؟؟
طيب ليش ماجلس عنده لما يشوف الانترنت....؟؟بكامل زينتي وعطري والاهم ..أشعاره بالاهتمام به ..(.والله يابنات الرجل مايتبلد الا من الاهمال .)....:18:
حتى لو المواضيع اللي يقراها ممله ...او تطفش ..يكفي اني معه ...

هذي نقطه ..النقطه الثانيه ..ليش ماهتم بالكمبيوتر حتي انا ..مو لازم انترنت ...اتعلم الورد.مثلا .... واصنع بطاقات واشكال للكروت حلوه ارسلها له ...واشياء كثيره مفيده لو تكون له أهديها له من صنع أيدي في المناسبات الحميمه.....مثلا يبغى يكتب شي بشكل مرتب بالكمبيوتر ..اقوله أنا اسويه وابين له مهارتي ..(..يعني مو بس انت تفهم بالكمبيوتر ..)أطور مهاراتي ..اللي تبهره بهالمجال ..لان عشقه للكمبيوتر والانترنت ..يحسسه اني احب الشي اللي تحبه ..وكمان الرجل اذا شاف زوجته تنافسه على شي يحبه ..يا اما انه يدخلها معه في الصوره ويحب يسولف معها عنه ..لانها فاهمه بهالمجال..او انه يمل من هالشي ...لانه يحس انك فهمتيه وعرفتي اسراره ..(أقصد الكمبيوتر)..وانه ماهو مهم ...(.لانهم دائما يحبون يتميزون بشئ اللي يعرفونه ..)او انه يرفض دخولها عالم الكمبيوتر ...وهذا لخوفه ..انها تكتشف اسراره فيه من حفظ ملفات وغيره .....يعني ماله مفر من الدس الحين ..:30: :30:
اعرف ان بعض الناس بطيئه في تعلم الشئ لكن ماكثر ربي غير الدورات لتعلم الكمبيوتر ...حاولي ..وربي يوفقك..علشانه على الاقل ...
والكيد عليه ..من الناحيه الثانيه ...
يعني انا من النوع اذا زوجي احب شي ..وكثر من الكلام عنه يهمني جدا اتعلمه او اجمع معلومات عنه ..على الاقل ..علشان اذا تحدث مره ثانيه عنه اتفاعل معه ...واعطيه معلومات جديده بعد .....يقول ماشاء الله من وين عرفتي ...؟؟؟أقوله أسرار ...:confused:
المهم من الكلام ..انك اذا مانفع تعملين الحركات هذي انسجمي على الاقل معه واجلسي عنده لما يتصفح الانترنت ..حتى لو ماتحبينه ...علشانه ..يمكن انشاء الله يمل منه ..ويلتفت لك ...
نقطه مهمه ...(حتى لو كان يشوف به اشياء ماتصلح ......هذى احري بك انك تتعلمينه ..علشان تبدأ المبارزه ...على الشي اللي هو يعشقه..)
راح يتفاجاء في البدايه ..اذا بديتي تتعلمين ..لكن قولي له انه زمن الانترنت ..لازم نتعلم ..!!!!!!1
ولا يحطمك كلامه ..حتى لو استغرب ...:confused:
الله يسعدك..وطمنيني عليك ...وانا في الخدمه ...
ودمتن ..المحبه أترجه

اف اف اف


ايش كل هالحركات ابله اترجة لازم تسوين لنا( درس خصوصى )



مشاء الله عليك ياعمرى وعينى عليك باردة

السلم عليكم ..
الله يسعدك يا أم مضاوي على التشجيع ...
هذا بعض ماعندكم....:26: وهي الورده لك .....
ودمتن ..المحبه أترجه