ودي ذاك الزمن يرجع

السلام عليكم بكتب هذا الموضوع وانا مخنوقه وافكر في هذا الزمان اللي صرنا عايشين فيه
كل واحد لحاله ومشغول بجواله نادرا مانجتمع ونزور بعض

ودي ايام زمان ترجع مكان معنا جوالات ولانت بس قلوبنا على بعض ونسأل عن بعض

كنا نعرف اسامي جيرانا كلهم ومن اي قبيله ونزورهم ويزورونا
كنا نلعب في الشارع مع عيال الجيران ونروح البقاله ماكانوا اهالينا يخافون من التحرش ولا الخطف

ياالله كانت ايام حلوة حتى العيد جميل كنا نلبس
ونروح نلف ونعيد على الجيران

ياليت يرجع واخلي عيالي يعيشون ذاك الزمن
موهذا الوقت اخاف عليهم يروح البقاله واحذرهم انهم يلعبون في الشارع لاني مااعرف الجيران

الحين يجي العيد ويلبسون ونجتمع مع العايله وبس
اما جمعت العايله تمر شهور ماشفنا بعض
ولا ندري عن اخبارهم

النت والاجهزة خذت منا الوقت والفرح
اللي كان زمان

حتى عيالنا يجتمعون مايلعبون ولا البنات يسولفون لا كل واحد على جهازه

صدق مافي زي زمان اول العابنا غير
وملابسنا غير وجمعاتنا غير


الحين الملل مالي بيوتنا وقلوبنا رغم كل التسهيلات اللي عايشينها

انا كتبت هذا الموضوع ابغى افضفض والله مشتاقه لزمان
من معي تبغى زمان الطيبين يرجع