ودي فترة النفاس في بيتي وزوجي رافض وامي

مساء الخير
انا ان شاء الله ابولد بعد مده وافكر في وضعي لو نفست عند اهلي الوضع صعب جدا جدا و مو مريح تخيلو سافر زوجي اسبوع وجلست عندهم ٥ ايام تعبت نفسيا فكيف ابجلس شهر أو أربعين يوم اقولكم الأشياء الي تضايقت منها وانتم احكموا اهلي ماعندهم اطفال نهائي ولا أحفاد فقط بنتي اول حفيد وتوها اعلمها على الحمام أكرمكم الله بيت اهلي مافيه الا حمامين فقط واخواني شباب ومراهقين وطقاق على دورات المياه اذا وديت بنتي انطقها الكل يتضايق هم كراهين بدرجه الوسواس يتضايقون ان طفل يشاركهم في الحمام ووالله اني نظيفه مستحيل اطلع من المكان الا وهو نظيف بس تعرفون النفسيات الخايسه أيضا انا متعوده احط رول مناديل لانه شي طبيعي امسح بعد التشطيف في الماء امي اذا دخلت تعصب وتطلع الرول برى واذا شافتني اخذ مناديل وادخلها معي تعصب وتقول والله انك مااتستحين تدخلين مناديل معك أو تخلين رول في الحمام عشان الكل يعرف انك تمسحين _____وانا اذا خلصت من مناديلي والله اني ما ارميها في، زباله الحمام لا والله أخذها واحطها في كيس وارميها برى بعد ما اجمعها وطبعا اخبي الكيس ولما حطيت ملابس بنتي في الغساله وشافها اخوي عصب وقال قرف كيف تبغونا نغسل ملابسنا بعد وساخه ملابس بنتك وملابس بنتي مافيها وسخ إلى ذيك الدرجه أيضا بنتي عندها تأخر، في، الكلام وانا اتواصل مع اخصائيه تخاطب وادربها في البيت يعني اوريها صور واكرر لها الكلمات الكل ينزعج يقولون انت مزعجه زي الببغاء كرهتينا في المجلس يعني اي حركه متي ومن بنتي تولع النار في البيت وتقوم الحرب وامي صايره ما تتحمل منا شي افكر اذا ولدت بسلامه بيصير عندي طفل اخر محتاج تغيير وانا وانا كمان وتعرفون فتره النفاس البلاوي الخاصه فيني مايحتاج أوضح اكيد احتاج حمام فبتقوم الحرب اكيد وبكاء النونو وغير الملابس الي اغسلها ملابسي وملابس أطفالي والله يوم الولد بنتي اني تعبت نفسيا وجسديا منهم انا لمحت لزوجي اني اجلس في بيتي فترة النفاس قلت رفض، وتضايق وايضا فتحت الموضوع مع امي زعلت وقالت اني ما ابغاهم ومتكبره عليهم يعني صرت انا الغلطانه حطو نفسكم مكاني والله اني محتاره ونفسيتي زفت