بنات بختصر الموضوع لسبب اني ابي الرد ضروري وبأسرع وقت لان كل ما تأخرت مو من صالحي
اولا قبل لا أبدأ بموضوعي بقول لكل بنت ما تزوجت اصبري ولا تشفحين عالعرس والله والله ان نصيبك بيجيك لحد باب بيتك من غير تعب وحوسه لدرجه تتحسفين عالايام اللي راحت وماتهنيتي فيها وانتي تفكرين بنفسك وانك عنستي ومحد خاطبك انسو كل هالاشياء وتمتعوا بحياتكم والله بيرزقكم كل وحده ربي كاتب لها نصيبها
كنت مثل غيري افكر ليش ما تزوجت وأكيد اني بعنس وكنت أحمل اهلي بعض من المسؤوليه لأسباب خاصه
وبصراحه انا بشهادة الجميع حلوه وجذابه ومحبوبه وذكيه وانييقه لدرجه ملفته وموظفه واستلم راتب شي وشويات عمري 26وماعلي قاصر من اهلي اطلع اتسوق اتمشى ولو راده علي ما بغيت العرس بس لان المجتمع اللي حولي ما يرحم طبعا انخطب كثير ماشاءالله وفي كل مره لو ما يردونهم اهلي كان انا معرسه من 4 سنوات كل واحد يتقدم لي ما اشوف نفسي عليه بالعكس لو كان اقل مني ما عندي اللي عند البنات وعند اهلي الا بالنسب والقبيله اهتم فيها حييل السالفه انو من فتره تقدموا لي ثلاثه واحد قريب مني والثاني مو من قبيلتنا ونسبهم اقل من نسبنا<< لاتفتحون علي وعليكم باب النسب ما يعيب ومدري ايش وقول الرسول كل هذا اعرفه ولكن مجتمعنا يشوفون نفسهم من نسب الرسول وما يناسبون الا اللي يليق بهم
الموهيم بعد عدة شهور واستخارات<< جمع استخاره لاني جلست استخير شهر رمضان كامل خمس مرات باليوم مع الصلوات طبعا الاستخاره كانت على الاثنين وكنت ابي قريبي ولكن ظروف حصلت تفركشت خطبته وبقى اللي مو من قبيلتنا وكان الخيار لي اما هذا والا مافي عرس انا غبيه اعترف لكم لان اصلا قريبي يبيني وانا ابيه لانو ما يعيبه شي كامل والكمال لله وواثقه انه بيرجع يخطبني ولكن السرعه والعجله فيها الندامه اه اه تعجل عمي لانو ولي امري واللي نبيه يسويه من غير كلام وملكت على اللي مو من قبيلتنا وهالكلام له 6 شهور ومن وقتها وانا افكر بالطلاق لاني ما كنت ابيه والسبب انو قبيلتهم هي العائق الكبير عندي لاني كنت أطمح وأطمح بس ملكت كذا خباله وكنت مفكره فيها قبل الملكه بس مدري وش اللي مشى الموضوع سهالات لدرجه بعض اقاربنا ما يدرون عن ملكتي وبعض صديقاتي لي اللحين ما قلت لهم عن ملكتي لاني افكر بالطلاق !
واكتشفت انو الولد له صفحه بالفيس بوك ومتعصب حييل للكوره العالميه ويدخن بشراهه فقط سيجار هذا الواضح لي من صفحته وقريت كل الكلام اللي كاتبه مع ربعه وضايف بنات لصفحته اغلبهم اجنبيات بس الكلام اللي بينه وبينهم سطحي عن مواضيع هو يكتبها وبينهم فقط رد وغطاه بصراحه انا كنت ادور الزله عليه عشان امسكها ويكون لي حجه عند طلب الطلاق بس ما لقيت عليه غير الدخان لان امه قالت لنا انو ترك الدخان واللي شفته غير لدرجه صورته بالفيس بوك وهو حاط السيجاره بفمه وانا ديني ودين الدخان اكرهه كره طبعا احنا ما عندنا مكالمات وقت الملكه عشان اعرف معدنه واصله قبل الزواج ولا نعرف اهلهم ومجتمعنا غير مجتمعهم وهذا اللي انا خايفه منه ما اعرفه ولا يعرفني واخاف يطيح الفاس بالراس واتحسف انا ما عندي باحد مو خايفه من كلمة مطلقه لان لها اسبابها بس امي الله يهديها كل ما فاتحتها بالموضوع تسكره شسوي هل لي الحق اطلب الطلاق مو متقبلته ومو متقبله مجتمعه وقبيلته اه اه ودي لو ترجع الايام وما وافقت استخرت كثير عالطلاق شسوي
مهـــمومه @mhmomh_12
عضوة جديدة
يلزم عليك تسجيل الدخول أولًا لكتابة تعليق.
هلي دموعك ياعيوني
•
الله يكتب لك مافيه الخير
مادامك استخرتى فاوكلى امرك لربك اختى مثلك كانت كارهية والحين معاه سعيدة وربي راح يكتبلك اخير
الله يكتب لك الخير
استخيري ربك واستشيري اي احد من اهلك تثقين فيه
وان شاء الله تتيسر
لاتهملين الاستغفار جربي وان شاء الله ما تندمين
استخيري ربك واستشيري اي احد من اهلك تثقين فيه
وان شاء الله تتيسر
لاتهملين الاستغفار جربي وان شاء الله ما تندمين
الصفحة الأخيرة