مساء الخير
وكل عام وانتم بخير مقدما
ياطويلات العمر انا وحده احب التنظيف ما احب اجلس بمكان وسخ
بس مشكلتي بدأت مع الحمل مالي نفس شئ بالمره
كله احس بخمول وكسل اتحمس للتنظيف والله ودي اقوم انظف بس ما اقدر
احس ماعندي طاقه ابد ووجهي اصفر شاحب هالات تحت العين
حدي اذا بانظف الصاله والمطبخ لانهم مفتوحين على بعض بس تنظيف سريع مش حالك
الحمام اغسله في الاسبوع مره غرفة النوم يوم ارتبها ويوم ولا
دواليب المطبخ يبي لهم ترتيب بس مافيني حيل عليهم ارتب دولاب دولابين وبس اوقف
الملابس اغسلهم وانشفهم بس ما اطويهم مرميين في غرفة الغسيل صار لي اسبوعين او 3 ما اطوي ملابس
زوجي ملابسه اجهز له كل لبسه بوقتها
وفوق هذا اولادي الله يهديهم متعبني عناد وهواش وصياح
احس كرهت الحياه والله
ودي ارجع مثل قبل الحمل
وفوق هذا يبي لي مشووااااااااااااااااااااااار طويييييييييييييييل لين اولد توني في الثالث
ومادري شنو اسوي بعمري

رومآنس @romans_4
محررة ماسية
يلزم عليك تسجيل الدخول أولًا لكتابة تعليق.

&نسائم الرحمة& :
طيب بماانك تحسين بتعب حطي لك جدول كل يوم شي و نظفيه تنظيف عميق عشان باقي الايام تنظفينه تنظيف سطحي يعتي المطبخ كل يوم امسكي دولاب و نظفيه من قلب بياخذ منك خمس ايام ان كثر و الصالة خليلها يوم طبعاً خلي ابو الشباب يساعدك يزيح الكنبات و انتي تنظفين اللي تحتها يعني شدي حيلك في التنظيف العميق بعدين بترتاحين بيصير كل شي سطحي. او جيبي شغالة بالساعة تساعدك الين تخلصين جدول التنظيف بعدين خلاص التنظيف السطحي انتي بتقدرين عليه والله والوساخة تجيب الكآبة شدي حيلك وموفقةطيب بماانك تحسين بتعب حطي لك جدول كل يوم شي و نظفيه تنظيف عميق عشان باقي الايام تنظفينه تنظيف...
نظفي التنظيف اليومي على حسب قدرتك ولاتتركين الاستغفار والذكر. وجيبي لك شغاله بالساعات مره بالاسبوع للتنظيف العميق والغسيل



الصفحة الأخيرة
حطي لك جدول كل يوم شي و نظفيه تنظيف عميق عشان باقي الايام تنظفينه تنظيف سطحي
يعتي المطبخ كل يوم امسكي دولاب و نظفيه من قلب بياخذ منك خمس ايام ان كثر و الصالة خليلها يوم طبعاً خلي ابو الشباب يساعدك يزيح الكنبات و انتي تنظفين اللي تحتها
يعني شدي حيلك في التنظيف العميق بعدين بترتاحين بيصير كل شي سطحي.
او جيبي شغالة بالساعة تساعدك الين تخلصين جدول التنظيف بعدين خلاص التنظيف السطحي انتي بتقدرين عليه
والله والوساخة تجيب الكآبة شدي حيلك وموفقة