ودي يهمي يكون الاخره واوقف تعلق بالدنيا

والله تعبت من كل شي
باختصار الحمدلله حياتي مريت بضغوط نفسيه شديده
وصرت حتى لو صار لي شي حلو ما احس بسعاده احس ما اعرف افرح؟ ولا اعرف احب ولا اعرف تكون لي مشاعر ايجابيه
من طفولتي مريت بظروف شوي صعبه حتى ايام الدراسه كنت دايما منطويه ولا عندي صديقات ماعندي ذكريات حلوه


المهم وصلت منتصف الثلاثين واحس صار عندي تبلد بالمشاعر وماعرف اشعر بشعور حلو ابدا
حتى كأهل واقارب او صديقات احس علاقتي بهم مجامله ما اكن لاي شخص مشاعر قويه وبالاساس


وياريت بس جت على هذا ولكن انا عندي مشاعر سلبيه كبيره خصوصا باتجاه الناس ماشاءالله ظروفهم افضل من ظروفي
بنات قريباتي من سني و اقل من سني ماشاءالله عاشو حياتهم بالكامل سواء علاقات اسريه سويه تدليل من الاهل وحب واضح بينهم زواج لزوج حالته الماديه ممتازه سفر راحه نفسيه بيوت كبيره مناسباتهم الكل واقف معاهم محبه من الناس سبحان الله رزق في كل النواحي
ما احب اكون حسوده ابدا والله ما اتمنى لاي حد الشر واتمنى ربي يسعد الجميع ولكن احزن على نفسي 💔