ود أسوي حفل تخرجي في بيتنا فزعتكم ..

السلام عليكم ورحمة الله وبركاته ..

كيفكم ؟

أنا إن شاء الله بتخرج السنه ذي من الثانوي وللأسف المدرسه ما عبرتنا ولا سوت لنا حفل مثل خلق الله ، وحابه أسوي حفل عائلي في بيتنا في الإجازه بس ما أدري وش أسوي بالضبط ؟ 
لا تقولون تقديم وفقرات لانهم مايحبون الحركات ذي ..

محتاره في المأكولات لأن الأماكن عندنا محدوده ( بيتزا هت ، هرفي ، كودو ، والحلويات جهينه ومحلات عاديه )
يعني وش أجيب منه ؟ وش احجز ؟ وش آحط ؟
التورته أكيد إن شاء الله بس وش أحط غيرها ؟ والله محتآره ..

ساعدوني بأفكاركم واقتراحاتكم يا ذويقات ..