سلام بنات
اخباركم اكيد كل وحده بكم اليوم تسدح وتبطح ببيت اهلها اليوم الإربعاء يالله الله يهنيكم <<<يالله طلعت من قلبي
اليوم بقولكم على سالفة مرت علي بالمطرسة... المكان اللي اداوم به اثناء الصباح
استيقظت من نومن عميق ومثل كل يوم صراع مع نفسي اني اغيب وارجع انام ,,نهضت روحي بالغصب ومر علي طيف مديرتي وهي تقول انتي يامشمشة على ثغر :icon29:
قلت لاابوك ياالنوم اللي تمنعني عن حماية الوطن وطن لانحميه لا نستحق ان نعيش فيه <<<<< فاهمة ثغر غلط:confused:
الموهيم واروح البس تنورتي الكلوش الواسعة اللي تتيح لي فرصة المهابد بحرية تامة وبوتي الجديد اللي يقول تمشين بي او بدوني ماهناش فرق من كثر ماهو لاصق بالارض واسرح شعيراتي وارفها بطوق الفيونكة اللي يحسسني بجو المدرسة :icon30:
الموهيم وادرعم لدوامي
دخلت المدرسة واتذكر الإذاعة وأطير اركض اسوي الاستعدادات قبل يجون الشخصيات المهمة اللي هم مبزرة المدرسة
قالت زميلتي مشمشة تقهوي قلت لا بروح اجهز اوبريت اسناني واوا <<حطو خط تحت اوبريت:wink2:
ياباب اسناني واوا وديني عند الطبيب معد بدي شوكلاته بس بدي اشرب الحليب اااااااااااه ااااااااه اااااااااه
كنت اتمتم بيني وبين نفسي بعبق كلمات الأوبريت
علامات التعجب والاستفهام كانت واضحة على خشة كل بزرة تقابلني وهي تقول الحمدلله على نعمة العقل
الموهيم خلصنا الإذاعة على خير والحمدلله مافي وحده من المبزرة داخت ولا طاحت لان المدرسة تتحمل مسؤلية اي بزرة تكرفس والا تتفرعن وتطب من الطاولة وتنكسر ليه ماادري رحت لمكتبي توي بقعد اتقهوى الا وصوت مديرتي تقول مشمشة عليك انتظار قلت اكيد انه صوت الطيف اللي جاني الصبح ويتكرر الصوت وانا اقبص نفسي اتأكد كود يطلع طيف والا ايحاء
طلع حقيقة :icon33:
واروح امسك فصلين انتظار قلت وراي ماادربهم على اوبريت هذي الشجرة ما اعلاها من اوبريت لاوبريت ماعندي لعب خخخخ
هذي آخرة الطموح:angry:
وانا قاعدة ادربهم الا دخلت أم طالبة بناتها في مرحلتين ورى بعض يوم شافوها الا يجون يركضون جنبها جت حضت وحده منهم الصغيرة الحلوة وبوستها والثانية الكبيرة ممويليحة والله مب شينه ماناظرتها ولا عطتها وجه وتسألني عنهم وتمدح في الصغيرة نبيهه ماسألت كثير عن الكبيره
وربي اني كسرت نفس الكبيرة كانت باينه على وجهها باااااينة
قطعت قلبي ياعالم للحين منيب ناسية وجهها كيف صار
واروح لمكتبي بعد الحصة واقعد وللحين الموقف يدور في جمجمتي واخذ بسكوت ابو عيدان:icon19::f226: عشان امخمخ وانا افكر وفي خضم المعركة بين اسناني واوا وديني عند الطبيب ماعد بدي شوكلاته ....ياربي شفيني اخر عمري بس اردد اغاني مبزره يالله سترك يارب:(
نرجع لصلب الموضوع وانا امخمخ قلت لازم اناديها ارفع معنوياتها واشوف بنت ماشيه قلت نادي لي فلانه
يوم جت قلت حبيبتي ابيك تشتركين بالاذاعة معلماتك رشحوك قالوا انك متميزة يوم انتعشت البنيه وابتسمت
مايستفاد من الحدوته
اول شي وراه التفرقة بين العيال هاه ورااااااااه تراها تسبب مشاكل نفسية خاصة بعمر الطفولة
ثاني شيء البنات خاصة اذا كان عندك بنتين ورى بعض يغارون من بعض واهتمامك بوحده عن الثانية ممكن يعرضها للمشاكل النفسية اللي تكون أساس الانحراف
اخيرا
رعوا العدل بين اولادكم تراه مهم جدا ....
طاااااخ انتهى
موسيقى النهاية يابابا اسناني واوا ودينني عند الطبيب ماعاد بدي شوكلاته وبدي اشرب الحليب آآآآآآآآآآآآآه آآآآآآآآآآآآآه آآآآآآآآآآآآه
اخراج مشمشة:icon35:
يلزم عليك تسجيل الدخول أولًا لكتابة تعليق.
رايقه 1
•
.... ياحبيل قلبيك والله تستاهلين بوسه على راسك
الله يعطيك العافيه أنك رفعتي من معنوياتها .... الله يعين على هالاهل اللي يفرقون ....
الله يعطيك العافيه أنك رفعتي من معنوياتها .... الله يعين على هالاهل اللي يفرقون ....
اهنيك على تصرفك الرائع مع الطالبه مسكينه
بعض الامهات الله يهديها تفرق في معاملتها مع اطفالها ماتدري انه ياثر عليهم
نفسيا ياليت انك نبهتيها بس يالله انتي ماقصرتي الله يجزاك خير حبيبتي
بعض الامهات الله يهديها تفرق في معاملتها مع اطفالها ماتدري انه ياثر عليهم
نفسيا ياليت انك نبهتيها بس يالله انتي ماقصرتي الله يجزاك خير حبيبتي
الصفحة الأخيرة
واكره ماعندي الظلم
والعدل مطلوب ياامهات