وربي احبه بصدق....ساعدووووووني

السلام عليكم ورجمه الله وبركاته
الي جميع اخواتي العزيزات ...الي ذوات الخبره ...ومن هم اكبر مني سنا وعقلا ...اتمني ان لا تحرموني من نصاءحكم ....اللتي اكتب من اجلها مشكلتي....
انا طالبه في احد الدول الاوروبيه وهذي اخر سنه لي ....
من حوالي 4 سنوات ..اخي اللي يكبرني ب6 سنوات كلمني عن صديقه اللي يسكن في نفس منطقتي بانه معجب فيني...(اخته كانت معاي بالثانويه وامه صديقه امي) المهم اني في ذاك الوقت كان عمري 19 سنه وقلت لاخوي اني بعدني ادرس...
المهم لما جيت علي بلاد الغربه ...حسيت اني ابي رجال يوقف معاي....خاصه ان في هذي البلاد الوقوع في الحرام سهل جدا جدا ....انا ولله الحمد كنت حاطه الولد في بالي طول الوقت ...اقول انه يباني وينتظرني علشان كذا بصون نفسي وبحافظ علي عمري...المهم ...مرت السنه الاولي والسنه الثانيه وانا عايشه علي حلم وامل ان الولد يباني ...وانا بعدني ما شفته ...ولا صادفته في حياتي ... بس اعرف كل شي عنه ... لاني خبرت اخوي اللي اصغر مني بسنتين ... وهو كان مصدر الاخبار....والمعلومات عن الولد....كل المعلومات عنه كان يخبرني بيها بصفه دائمه...وانا بالغربه كان اخوي يوافيني بالاخبار اول باول...المهم ...اني الصيف الماضي ...ما تحملت االوضع وصارحت اخوي الكبير باني وايد اضيع وقتي في التفكير بالولد ....والله اني اجلس ارسم مستقبلي معاه في خيالي ....وبصدق حبيته قبل عن اشوفه ...وقبل عن اسمع صوته...او اشوف اي مبادره منه تجاهي...المهم اخوي كان شبه ماكد لي بان الولد لسه يباني ...وان ام الولد معجبه جدا باخلاقي وفيني...وانا طبعا فرحت وحمدت ربي ورجعت لدار الغربه وانا شعله من الحماس....المهم اني حصلت علي رقمه من اخوي اللي اصغر مني...من 3 شهور....وقبل يومين رسلت له رسالتين بدون ما يظهر رقمي ( عن طريق العلامات bookmarks) المهم الرسايل كانت عباره عن ادعيه ...كنت ادعيله يارب يوفقك ويسهل دربك وينور طريقك ويفتج لك باب الرزق ويزوجك ببنت الحلال ويرزقك اولاد حلوين....يعني من هالقبيل....مادري ليه ارسلت له ...بس بصدق حسيت اني ابي ادعي له ...وان الدنيا ضايقه فيني وانا بالغربه ...المهم الولد بعد يومين رسل علي جوالي رساله فاضيه .... والله اني دمي نشف ...لما شفت رقمه لانه معناه انه طلع رقمي....المهم سالني منو انا وليه ارسل له ومن وين جبت رقمه ...وانا ما جاوبته الا اني بس حبيت ادعيله وبس,,,,المهم انه اليوم الثاني علي وجه الفجر رسل لي يسالني منو انا وانه من حقه يعرف ....ويعني من هالكلام ....وانا كنت اعتذر له واقول له اني ما كنت اريده يعرفني او يعرف رقمي ومن هالقبيل والله كنت صادقه اني ما كنت ابيه يعرفني لاني اعرف اني بطيح من عينه ...المهم وصلت عدد الرسايل بيني وبينه لعشر تقريبا ...بعدها اعترفت له من انا ....بس بطريقه غير مباشره ...قلت له اني ما اعرفك بس اخوي كلمني عنك ....الخ....المهم الولد عرفني ....وبالليل رسلي مسج بانه مذهول من اللي صار وانه يعتبرني مثل اخته ....وانه يبينه اخبره اخوي شو قالي لانه ما يعرف اي شي عن الموضوع ...طبعا انا ما خبرته ...حسيت انها ثقيله اقوله....وبس.....والله اني متعذبه من اول ما قال لي انك مثل اختي....بس في نفس الوقت رسل لي مسج يسالني عن عمري ومتي بخلص الدراسه ... وقالي انه ما يعرف عني اي شي سوي اسمي ووين ادرس....والله يا بنات ...انا مادري شو اسوي....احس اني محطمه للاخر...لاني قلبي واحلامي تعلقت بهالشخص.....شو تنصحوني....هو ما شاء الله عليه شخصيته حلوه كثير ووسامه ودارس بالخارج مثلي ...يعني انسان متفهم ومتفتح ....وهادي ...طبعا كل هالمواصفات والمعلومات من اخوي.....وانا لسه ما شفته ....شو اسوي ... اواجه اخوي الكبير واقوله باللي صار واعرف منه ؟؟؟ ولا اواجه الولد ؟؟ ولا شو اسوي؟؟؟؟ظ
اختكم الحائره امووووره...