بسم الله الرحمن الرحيم
السلام عليكم ورحمة الله وبركاته
مراحب بنات وامهات وحوامل ومكرشات
اتمنى انكم بصحه وعافيه جميعا
انا كنت حامل ومسويه ربط والحمد لله جبت احلى ولدت اللهم لك الحمد
وكنت ارجع بمستشفى حكومي كبير ويا الله يا الله بواسطه دشيته
وكنت ارجع عادي ماعمرهم قالوا لي ان فيني شي الحمدلله
بس رغم اني مسويه ربط عمرهم ماسوا مسحه طبيه لي عن الالتهابات ولا زراعة بول ولا صرفوا اي تحاميل او غسولات عن الالتهابات رغم ان الربط جسم غريب لابد انه بيلتهب مكانه
كان دايم يصرفون لي حبوب حديد وحمض الفوليك
وانا اول مره اسوي ربط وغشيمه فها الاشياء
المهم تجيكم السالفه في نفاااااااااااااس كنت مره تعبانه فيه شي مو طبيعي بس مدري وشوا فيه الم غريب مدري وشلون اوصفه لين جيت بجلس احس بشي بيطلع من تحت فيه شي مدري وشي رغم اني ولده قيصري بس ها الالم غريبه فقلت اكيد مكان اربط
وكان الدم غزير معي وماطهرت رغم اني مسويه عمليه يعني مسوين تنظيف لي رحت على حسابي الخاص لدكتوره وماعطتني نتيجه قالت الدم معك غزير ماقدرت اكشف زين وصرفت حبوب تخفف النزيف بس
المهم جلست فتره طويله على الحاله طهرت عقب نفاسي باسبوعين وبعد نفاسي بثلاث رحت لدكتوره لجل اركب الولب لاني برجع لزوجي وخبرتها عن غزارت الدوره معي واني ماطهر بسهوله قالت خليني اكشف عليك اذا الدوره كذا احمتال ماركب لولب لان ماراح يظبط معك وبيسبب لك نزيف زياده فكشفت
وهنا الطامه الكبرى مكان الربط صاير كله تليفات قالت يا الله ياماما انتي كيف كذا ساكته عن نفسك انت عندك تليفات مكان الربط
يا الله كانها كابه علي مويه حاره شهقت من الخوف صحيح امر ربي وراضيه به بس متى وشلون والمستشفى ماكتشفوه معقوله وقت فك الربط
المهم وربي يابنات اني جلست فتره لانوم صاحي ولا اكل صاحي بس افكر بالموضوع نفسيتي تعبانه مدري ماعندنا احد في العائله نفس الحاله
ورحت سالت دكتوره ثانيه قالت احس لك شيليها اذا مسببه لك نزف وقت الدوره بس وقلت عادي يا الله بسوي عمليه بس خفت يوم دريت اني زوجي يوقع اذا جاء وقت العمليه نزيف يشال الرحم كله واستخرت الله وهونت ورحت لدكتوره ثانيه وقالت لي ان نفس الوريد الي مسبب لك تليف ويخليه يتضخم نسوي له كي كهربائي يموت الوريد هذا وبذلك تتكل وتصغر التليفات بس طلعت اسعارهم نار نار
والحكوووووووووومي والله ماعاد فيه العب الا من رحم الله
انا والله محتاره وخايفه نفس الوقت رغم اني متوكله على واحد احد فرد صمد
وابي اسالكم من مره بنفس حالتي
او تعرف احد نفس الحاله وين عالجت فيه وعند اي دكتوره
والي تعرف دكتوره تسوي كي كهربائي بسعر معقول ياليت تخبرني جعل ربي يسهل لها كل امر ويسخر لها من حولها من الطيبين
سليمان الحبيب ضربات دراهم رغم انهم ممتازين بس كلوني بقشوري :angry: يكافي اسعرهم مثل اسعار الذهب تعلى ماتنزل وماسمعت الا عندهم الكي الكهربائي ولا تقلون دله برضوا غاليه قولوا وش خليتي اجل :35:
والي فيها تليف طلبتكم عادي تحمل مره ثانيه وتولد
فيه تعب وقت الحمل او اعراض متعبته
جعل الي تساعدني يصير رجلها خاتم بصبعها جعله مايفارق خشتها جعله يصبح يمسي يحب راسها ويدها :32:
تكفون ارفعوا الموضوع ولو بدعوه
وربي بدعي بسجودي لكل من تجاااااااااااوبني ان الله ينولها مافي خاطره ويفرج كربها
81
5K
يلزم عليك تسجيل الدخول أولًا لكتابة تعليق.
هيووون
•
سلامتك ياقلبي ماتشوفي شر الله يشفيك ،،،،
ماعندي خبره بالموضوع بس الافضل تروحين مكان مضمون وتعالجين التليف وان دفعتي واسعار غاليه بكيفه اهم شيء صحتي وارجع مثل الاول ولا اتحسف بعدين
سليمان الحبيب هو افضل شيء اسألي عن افضل دكتوره اودكتور وروحيلهم انا اعرف الدكتوره زاهيه مره شاطره :39:
والحكومي الله يرحمهم برحمته مدري متى يتصنعون
او ارجعيلهم وشوفي وش يقوولون
ماعندي خبره بالموضوع بس الافضل تروحين مكان مضمون وتعالجين التليف وان دفعتي واسعار غاليه بكيفه اهم شيء صحتي وارجع مثل الاول ولا اتحسف بعدين
سليمان الحبيب هو افضل شيء اسألي عن افضل دكتوره اودكتور وروحيلهم انا اعرف الدكتوره زاهيه مره شاطره :39:
والحكومي الله يرحمهم برحمته مدري متى يتصنعون
او ارجعيلهم وشوفي وش يقوولون
الله يشفيك اختي حتى لو غالي حاولي انتي وزوجك تدبروا الفلوس اهم شي صحتك وروحي عند دكتوره شاطره ماتشوفي شر
الصفحة الأخيرة
ال