وربي تعبت !!!!

السلام عليكم يابنات ،،تعبت يابنات من اسلوب زوجي وانانيته ،انا عمري 25 عندي 3اطفال ومسجله بناتي بالروضه ومايذاكر لهم الا انا هذا غير شغل البيت واداوم معاهم سجلت بنفس الدار ويومي كله تعب وشغل وزوجي من يوم يجي من الدوام يانايم يايلعب قيم اون لاين ولاهي بتسلية نفسه اذا مو قيم تلفزون اذا مو تلفزون اخوانه او اصحابه يلعب معاهم قيم وانا بس جزء بسيط من تسليته واذا تمنعت لاي سبب يزعل والغلط دايم علي ،لي فتره اتمنا اطلع تمشيه اغير جو وهو بكره بكره طيب طيب جاني اكتئاب وربي من البيت للتحفيظ لبيت امي بس لايسولف لايطلعني حتى اذا ناقشته بشي مايسمعني حتى الطلبات يقول اكتبيها بورقه تعبت معااه عايش لتسليه نفسه بس الصلاه متى مابغا يقوم قام لو صحي متاخر للفجر يفتح القيم يسوف اخر النتايج ويصلي وهو ماشي للدوام ،، وربي تعبت خاصه البارح جاتني ضيقه من الكبت ومن كثر ماناقشته ولافاد حسيت مافي امل حتى لو ناقشته لااراديا بكيت بصمت وحس فيه وضمني يقول وش فيك قلت لا بس متضايقه ..لان مافيه اعيد نفس الموال دايم سكتت وبعدها نام بكل برود واليوم دق عليه اخوي سمعته يقول له بكره بيسافر للباحه هو و2من اصحابه عشان الاجواء حلوه وهو له فتره واعدني بالاسبوع بيطلعنا انا تضاايقت مرره طالعته قلت بتطلع بكره ؟؟ قال ايوه قلت واحنا مو قلت بتطلعنا سكت قلت مو قلت قال الا قلت وهو قاعد يكلمني ويلعب وربي لااراديا قلت ؛والله مااسامحك ، ونمت يابنات وربي تعبت هو طيب ايه مايخاصم بس باارد واناني وربي كل شي لمصلحته وتسليته يحبه غيره مؤجل ابغا اغير شقتي اجار لي 6سنين ماقدرت اقنعه والله تعبت مرضت منها حتى الدود والسوس صاير يطلع من البانيو ويمشي من البيت واشوف كوابيس بس مااهو راضي يحس فيني يقول خليها لمن نخلص قرض وهو مقتدر ومرات يقول باطلع قرض اطلع سياره ولمن اقول طيب عشان يبقا مبلغ من القرض ننقل فيه يقول لا بطلت وربي تعببت جاني اكتئاب كرهت كل شي ولااحس بطعم شي ودمعتي بعيني ماتفارقني من الحزن اتمنا الموت اليوم قبل بكره من اسلوبه مااقدر اقول باروح بيت اهلي لانهم بيشوفونه مو سبب مقنع بيقولون اصبري بس نفسيتي تدهوررت كرهت حتى عيالي وشقتي متسكره بغرفتي ماابغا اشوف احد والله كله من اسلوبه وهو عايش لنفسه انا صحيح اداوم تحفيظ واذاكر لعيالي بس كلها فروض وواجبات ابغا ارتاح واريح شوي مافي حتى الشغاله لو اطلب يقول من جيبك وانا ماعندي شي لاموظفه ولاشي كرهت حتى اني اسمع صوته خاصه بعد مادريت انه بيسافر بكره وانا تعبانه مصخنه وهو الاسبوع اللي راح كان تعبان وانا اهتميت فيه بالله كيف اتصرف كررهت كل شي اتمنا اموت واقابل ربي هو اللي بيرحمني هالدنيا ماترحم اشتقت لربي حتى الواتس حطيت توبيكي (مؤلم أن يأتيك..ماتتمنى..                      وقد تأخر الوقت ،، وتغيرت انت  ><                      وتغيرت الامنيات.....!!             ) زعلانه على نفسي اني وصلت لهالمرحله وفقدت لذه كل شي انصحوني ولو بدعوه