وربي رحمتها وكسرت خاطري يابنات

السلام عليكم إخواتي وعزيزاتي بنات عالم حواء
"صلوا على النبي"
تخيلوا معي بنات قبل فترة كنت طالعة سوق نسائي فيه جلسات فكنت جالسة فيها إلا وتجي حرمه معها بناتها وأطفالها صغار ومعهم شغاله وكان معها سلة قهوه وشاهي وجايبها معها حلو وموالح وقاتوهات وعصاير وكل مالذ وطاب "ماشاء الله" وتحط سفرتها وتصب القهوة وتوزع على اللي معها وتوزع الحلو بصحون وتعطيهم يعني حطت كل اللي معها ووزعته على السفرة هم طبعا كانوا جالسين على شكل حلقة والشغالة وين كانت جالسه؟!ورى ظهورهم يابنات تخيلوا حتى والله ماعطوها ولاشي من اللي معهم! جالسه بس تناظرهم مسيكينه كسرت خاطري وبس كله تمسك في أطفالهم جلست كذا أناظر لهم قلت يمكن يعطونها بس جلسوا شوي عطوها صحن فيه جاتوه قلت أشوا عطوها تخيلوا وش قالت لها قالت أكلي بيبي!!!!
وربي انقهرت يابنات حراام الحرمة تاركها بلدها وعيالها وجايه تشتغل عندكم تعاملونها كذا! يعني وش بيضرهم لو عطوها من كل نوع حبه فيهم أجر والله تكسبين اجر اعتبروها صدقة حتى نفسها متعلقة بالأكل جالسه تناظرهم وهم ياكلون نصيحه يابنات وربي هالعاملات أمانة في رقبتكم أحسنوا معاملتهم
وبس هذا اللي عندي
لاتحرموني من ردودكم