لا تعلمين احد بتاتا عن درجاتج قولي درجاتي زينه وبس لاتكثرين كلام انتي غلطانه

بعض البنات يدخلوون مشوتات تسب وكلام جارح وتطلع ماتدري بقسوة كلامها كم الم تدخله على صاحبة المصيبه

اما انتي ياصاحبة الموضوع راجعي تعاملك مع الوالده والله يهديك ويسخرها لك

من حملك فبطنه ومن تحمل الام ولادتك؟؟... من نظف وصاختك...من ارضعك وأكلك يوم ماعندك الا سنين اثنين؟؟؟
من شالك وهزك الين تنامين ؟؟...من شرالك اغراض المدرسه ...ومشط جدايلك الصبح ؟؟...
هالحين خلاص كبرتي وتكبرتي؟؟؟؟؟؟؟؟؟؟؟

لاحول ولا قوة الا بالله...

اختي الحبيبه..

انا اكثر وحده هنا حاسه فيك... لاني انسانه حساسه جدا جدا... وكنت اي كلمه احملها اكبر مما تحتمل
واتذكر كنت اكثر شي ياثر فيني كلام امي.... ليش ؟؟....لان الام هي الامان والملجأ لكل انسان...
وكل كلمه من الام ممكن تسعد القلب او تتعسه...

لكن انا قلتلك كنت...يعني ايام الجامعه ...

الان انا كبرت ... استفيدي من تجربتي الله يسعد قلبك..

اول شي .. عززي ثقتك بنفسك ....اهديييييييي.. ابتسمي...

هدي ياقلبي..اذا خوالك استفزازيين ... اذا جبتي درجات ضعيفه..اتصلي عليه بنفسك وقولي تصدق ياخال اني جبت درجه ضعيفه!!!...مع انك خالي المفروض اطلع عليك ذكيه بس مدري ليه طلعت كذا ... واضحكي باعلى صوتك...خل يعرف ان ماينفع معك اسلوب الاستفزاز...
قابلي كل اسائه بابتسامه ثقه بالنفس....
يعني مافيه بنات مو متعلمات اصلا ...وجديرات بالاحترام؟؟
اكيد فيه..
وش خلا الناس تحترمها الا ثقتها بنفسها وهداوتها وطيب اخلاقها...
وطيب اخلاقك اولابه امك وابوك..
لاتقولين يعاملوني بقسوه....
انا بعد بكون قاسيه معك واقلك ....لو حسوا منك حنان عليهم واحترام ماترفعين صوتك وماتبحلقين فيهم بعيونك اذا زعلتي ماكان قسيت عليك قلوبهم..
ترا الام اذا احد ابنائها حد صوته فيها بعد كل الي عانته علشانه تنجرح جرح عمييييييق وهي ساكته..
اساليني انا .. وربي بنتي عشر سنوات عمرها ...احبها مره مره ..واتمنى اشوفها كبيره...ويوم احيانا تقلي اااااااااووووف طفشتيني!!!....اعاقبها طبعا وازعل منها... بس اروح غرفتي وابكي بحراره من كلمتها...وربي ما اكذب عليك ... وربي بيرزقك ان شاء الله وتجربي غلاة الضنا وعلى قد الغلا يكون العتب

وبعض الامهات لهم اطباع غريبه...يسوون الشي مايقصدون الاسائه ...بس طبعهم في افشاء الاسرار او طبع فالغيبه اوطبع فالنميمه...الله يعافيهم من هالاطباع ويغفرلهم يارب.......

تقدرين تعالجين الموضوع بطريقه ترجع الود بين قلبك وقلب امك...تحاشي ابدا ابدا رفع صوتك عليها لان ذا الشي يجرحها وتغضب عليك بجد....وماراح تلقي بعد كذا الا التنكيد بحياتك والمشاكل والضيق...
دايما عالجي المواضيع بهداوه ..بطلي حساسيه ...حتى لو قالت عانس ومدري ايش ...خل عندك ثقه بنفسك ..وثقه بربك ..وان هالارزاق موزعها رب العباد
هدي وقوليلها...انا راضيه باي شي يختاره الله لي ..انتي راضيه بعد ياميمتي والا لا....اذا قالت راضيه ..قولي اجل لاتعايريني بقسمة الله كانك تعترضين عليها...


هدي هدي ...وبطلي حساسيه هذي خلاصة نصيحتي

وثقي بنفسك...


والاستغفار والقرب من الله بالصلاه والقران يفتحلك ابواب السعاده....ويعزك ...
من اعزه الله فلا مذل له ومن اذله الله فلامعز له...
معزتك فالقرب من ربك...
وبري والديك وانويها جهاد لارضاء ربك

للأسف بعض الأباء هم السبب في عق عيالهم لهم فين الحوار والمناقشة والأقناع إذا أمها كذا كيف ترجون البنت تصير الله يصبرك حبيبتي أدعي الله يسخرهم لك

تخسرين امك علشان درجات وخالي يزعل وعانس والله غريبة ولا كمان تقولين لها شيبتي لو انا بدالها ادفنك حية بس شكلها طيبة الله يجعلني بارة بأمي الان اموت