السلام عليكم ورحمة الله وبركاتة
بدون مقدمات لان النفسية ماتساعد وبدخل في الموضوع بنات كلنا نعرف ان دعاء الوالدين مستجاب وانا جتني دعوة من امي الله يسامحها دعت علي قبل اذان المغرب بدعوة للحين عجزت انساها كنت وقتها حامل وتعبانة وقالتلي شي بس ماني متذكرة وش وقلت لها انا تعبانة وقالتلي (الله يجعلة اخر حملك )صحيح اني انقهرت بس ما اهتميت والحين كبرت بنتي ودرست وانا من مستشفى الى مستشفى وكلن يقول سليمة مافيك شي وكذامررة تستغرب الدكتورة لما ارجعلها واقول نزلت علي الدورة تقول انتي مافيك اي شي يمنع الحمل وسويت تلقيح صناعي والحمدلله على كل حال مانجح وما زال املي بالله كبير بس مشكلتي مع امي ما ادري متى تترك الدعاء علينا ومرة دعت على اختى قالت الله لايوفقك مع ان اختي ماشاء الله عليها تحب الدراسة ودرجاتها مررة عالية وفعلن اختى مدري وش صار لها وتركت دراستها بس وش نسوي هذي امنا استغفر الله احيانا احس اني شايلة عليها بس وش اسوي لانها ماتعرف تتكلم الابس تدعي علينا وماتقدر نقولها شي تزعل وتقعد كم يوم زعلانة وتقول انا وش قلت وتدعي زيادة ودي اقولها استغفري بس امي واعرفها زين بتقلبها علي وانا والله ماني ناقصة الحين وش اسوي عمري بدى يروح والله العظيم اني قبل كم يوم جتني حالة ما يعلم فيها الا الله لاني دخلت سبعة وعشرين سنة وعمري راح وما معي الا هالبنت وغير كلام الناس اللي مايرحم ادري طولت عليكم بس وش اسوي يمكن وحدة فيكم تفيدني بشي اسوية ولا وحدة تجي وتقولي تفاهمي معها غيري ما قدر عاد كيف انا
اتمنى تفيدوني بحل معها
نوري فلور @nory_flor
عضوة فعالة
يلزم عليك تسجيل الدخول أولًا لكتابة تعليق.
22سماء
•
لسانك على ماعودتيه
بعض الناس الدعاوى عندهم زي التحيه اتعودو
كل كلمه لها دعوة
اللهم احفظ لساني وصحبات المنتدى
بعض الناس الدعاوى عندهم زي التحيه اتعودو
كل كلمه لها دعوة
اللهم احفظ لساني وصحبات المنتدى
الصفحة الأخيرة
الله يهديهم يارب
حاولي تطيبين خاطرها بهديه حلوه وقولي ابيك تدعين لي واجيب لك اكثر واكثر
ودايم قولي ادعي لنا يمه بصلاتك عشان تكسبين برنا فيك
والله يسخرها لكم