ورب الكعبة الكيل طفح عندي

انا من جد ماعاد اقدر استحمل اكثر من كذا فساد فساد فساد واحنا ساكتين لين متى الوظايف واسطات والمدارس فيها عجز ومحتاجة وفوق كذا مافي وظايف على قولتهم مافي مكتفين واذا جات بديلة ولا متعاقدة كرفوها في ست مية مدرسة وفوق هذا مو محتاجين مدرسات ابدا سبحان الله من فين الكرف يجي للمسكينة والقطاع الخاص مافي وظايف ندور تجارة ولا مشروع مافي راس مال او حتى تدريب وحافز قال بيدبر لنا وظايف وماشفنا منهم الا الفقر انا مشكلتي وحدة انا لو اني في الرياض ورب الكعبة لاجمع الرياض كلها في المحكمة عشان اخذ حقي وحق غيري من المظلومات اللي راحت سنين عمرهم في البيت وجوا بدالنا الاجانب واحنا ياحسرة على نفسنا نتفرج ونتبسم بكل براءة ويبنوا بلدهم بفلوسنا
والله لنلغي قياس ذا بأي طريقة خلاص خلاص ماعاد في صبر يمين بالله بقوم الدنيا سكتنا وسكتنا وسكتنا على انه مافي وظايف في جدارة او وظيفة حكومية بشكل عام لكن مافي حتى وظايف بالخاص ابغى اعرف تخلفنا متى يخلص يعني اذا مديرة موظفة لازم توظف كل اقاربها عندها واحنا المفروض لنا الاولوية
ابغى اعرف متى تخلص المواضيع اللي في المنتدى اللي تقول ابغى وظيفة ودورولي وظيفة والله اذا جلسنا كذا والله مانعيش يعني قولولي ايش ايش في بلدنا شي صاحي كل شي دمار وكل شي فساد
والله الكلام اللي قلته نقطة من بحر وانا متأكدة كثير غيري في نفس الحالة
نحنا اللي متخرجات نبغى نوصل صوتنا للملك يوظفنا وقياس ينلغي بأي طريقة بالطيب ولا بالغصب احنا شجعناهم علينا ياخذوا فلوسنا وفوق ذا كله مافي وظايف ياعالم ياهو ايش باقي نروح ننتحر مثلا خلاص عاد
وربي احس نفسي شوية واطلع الشارع انتف شعري واصرخ باعلى صوتي عشان يوظفونا وربي من الهم صايرة اكلم نفسي