السلام عليكم ورحمة الله وبركاته
شفت بطاطس ام عبدالمنعم وعجبتني طريقة تقديمها على شكل وردات
حلوه ومبتكره وقررت اجربها
هنــا الموضوع الاصلي
الحين نجي لـ تطبيقي مع إضافاتي
اول شي نحتاج قشارة الخضروات ( موجوده صورتها بموضوع ام عبدالمنعم )
نقشر كامل البطاطس بها وهي افضل من السكين حتى تكون جميع الشرايح بسمك واحد ورقيقه
بعدها بهرت البطاطس بـ :
كركم
ملح
فلفل اسود
فلفل احمر مطحون ( يختلف عن البابريكا )
بصل مطحون وثوم مطحون ( الجاهز )
شوي سماق
بعدها غطيت الوعاء وخليت البطاطس يتشبع بالخلطه مدة ساعه تقريباً
الحين نبدا الشغل
ناخذ شريحه شريحه ونلفها على شكل رووله
بعدها نبدا طبقه ثانيه
ممكن تخلونها بس شريحه وحده حتى يطلع مقرمش
او تلفون اكثر من شريحه مع بعض اسهل ووقت اقل
الفرق بينها وبين انك تلفينه شريحه شريحه هو انك تقدرين تتحكمين بشكل الورده
من الاصغر إلى الاكبر مثل ما سويت بالصوره اللى فوق
لو تلاحظون اللفه الاولى ماحطيتها على حافة الشريحه حتى يبين شكل الورده اكثر
بس الباقي اكتفيت بشريحه وحده لان ابيه يتقرمش اكثر
.. يتبـــــع ..
بعد ما كملت الكميه دخلتها الفريزر تجمد شوي
اسهل بالقلي عشان ما تنزل الخلطه وتحوس الدنيا
وحتى يكون البطاطس متشبع اكثر
بعدها نقليه في زيت حار وغزير
والمفروض اشيل الاعواد بعد القلي مثل ام عبدالمنعم
بس لاني وقت اللف استخدمت شريحه وحده وصار متقرمش بعد القلي
صار صعب علي افك الاعواد
وهم بعد صار شكله حلو بالتقديم :)
لا تبخلون بالرد :26: