مرة أنا سويت فنر( فانوس ) صغير ومليته من داخل بالحلويات

مرة سويت للبنات عرايس باربي وفيها الحلو والأولاد سيارات

وفي أبو ريالين عندهم هدايا على شكل كيس الهدايا بس هو مصنوع من الفخار واشكالها وايد روعة حطيت فيها الحلو وغلفتها بالسيلوفان

وفي دبدوب صغير يمسك سلة مليتها بالحلاوة

وانتي ممكن تشترين لعبة أو عروسة أو دبدوب وتلزقين معاه سلة صغيرة فيها الحلو


اذا تذكرت شي برجع مرة ثانية

مع خالص تحياتي

اميـــــــــــــــــــــرة الاحلام
المشي وايد زين للحامل بس بحدود المعقول .....والله يعينك في هالحر( حاسه فيج )
اشوف البنات بدوا يتفاعلون في الموضوع والله يجازيهم خير ان شاء الله
وبعد الخيــــــــــــــــــــــــــر جاي بالطريق :26:

قصر من سكر مشكوره حجيه على الرد بس ماعليج امر شنو جفاير هههههههههه ماعرفتها

صدى الأشجان شكرا شكرا انا صج شكلى بروح محلات بو 100 فلس احنا غير بالكويت ههههههههههههههههه وان شاء الله الاقى شى يعطينى فكره

الشجره الحزينة حجيه انا ماينفعلى المشى لازم كله ارتاح وانسدح يعنى لما ايي الدوام كله اجازات طبيه لين اولد اييييييييييييييييييييه الله كريم باجر ان شاء الله بروح السوق يمكن يشتغل مخى الواقف شويه هههههه

وأنا من قبل شهرين وانا ابي فكره حلوه وغريبه وليلحين مو لاقيه شي حلو .. احس انه كل شي مكرر .. يريت يا بنات اللي عندها فكره ما تبخل علينا فيها

:oالسلام عليكم ورحمة الله وبركاته............
اشلونكم يا بنيات
بصراحه موضوع القرقيعان ...................موضوع حامي في رمضان وتحسون يحصل في السوق استنفار.............
واليكم بعض الافكار:
في سوق الصفافير يسون بعض الشغلات الحلوه مثل: الدوه(للشاي والقهوه ايام الشتاء)
بستوك الدهن(الزيت) طاسه(مالت الرهش والحلوه)
طبعا اتاسف للبعض لأن في الكلام شي مو مفهوم وقديم.............
وفي بعد الصناديق الهنديه القديمه ممكن تحصلونها في السوق الايراني بالري............

وفي اشياء ما اقدر اقول لكم عليها لانها مفاجاءة رمضان:30:
انانيه شسوي