كيف حالكم غالياتي؟
أول موضوع لي بهذا القسم
ورشة عمل خاصه بي بين فتره وفتره بحط لكم أشغالي وبعلمكم طريقة الشغل
وأي سؤال أنا في خدمتكم ومستعده أجاوب على أستفساراتكم
نبدأ بجوتي للأطفال(والقارئ بكرامة)
الغرز المستخدمه:
1-سلاسل
2-المنزلقه(ندخل رأس السناره في السلسله نسحب خيط وندخله في السلسله)
3-أعمده بو لفه(نلف لفه على راس السناره ندخل راس السناره في السلسله ونسحب خيط يصير عندنا ثلاث خيوط ونسحب خيط بعدها نسحب من خيطين يبقى عندنا خيطين نسحب خيط ونسحبه منهم)
4-المروحه أو السمبوسه(نترك 6سلاسل ونروح للسلسله السابع نسوي منها 6أعمده بولفه ونكرر(طبعآ الفراغ الي نتركه على حسب عدد الأعمده الي بنسويها في الخرم))
5-الحشو(ندخل رأس السناره في السلسله نسحب خيط يصير عندنا خيطين نسحب خيط وندخله فيهم ثنينهم)
طريقة العمل:
نبدأ بالقاعده/
1-نعمل20سلسله(على حسب مقاس رجل الطفل وطبعآ يكون القياس دون الأصابع)
2-نطلع3سلاسل
3-نعد3سلاسل نروح للسلسله الرابعه ونسوي فيها عامودين بولفه
4-وبعدها في كل سلسله عامود بولفه
5-لاوصلنا للزاويه نسوي عامودين بولفه في سلسله وحده
6-يبقى عندنا العقده نسوي فيها عامود بولفه
7-في الجهى الثانيه نسوي في الزاويه من بعد العقده عامودين بولفه في سلسله وحده
8-نعمل في كل سلسله عامود بولفه
9-لاوصلنا للزاويه نسوي في السلسله عامودين بولفه
10-نعمل غرزة المنزلقه(يكون في هل دور في الزاويه5أعمده من الجهتين
11-نجيب ملازم نحطها جهة الزياده عشان مانننسى المكان الي نزيد فيه
12-نعمل3سلاسل
13-نسوي عامودين بولفه في أول خرم جنب السلسله الي عملناها
14-والخرم الي جنبه بعد نسوي فيه عامودين بولفه يعني 2-2 والسلسله السابقه تعتبر عامود ويكون عندنا 5أعمده
15-نسوي عامود بولفه في كل سلسله
16-لاوصلنا للزاويه نسوي عامودين في الخرم وعامودي في الخرم الي جنبه والي جنبه عامودين والي جنبه عامودين والي جنبه عامودين ويصير عندنا عشر أعمده يعني2-2-2-2-2
17-نسوي عامود بولفه في كل سلسله
18الزاويه نسوي عامودين في خرم ويعدها عامودين لاوصلنا عند السلسله نطلع من نفس مكان السلسله نطلع عامود يعني2-2-1
19-نغلقها بغرزة المنزلقه
20-لو كانت رجل الطفل الي بتسوين له عريضه زيدي الدورات ويكون كل مره في الزاويه5 والي بعدها10 والي بعدها20 وأله
21-أنتظروني مع تكملة القاعده بكره
تحياتي
من المتابعات والمطبقات ان شاء الله .. بس اخلص اللي عندي
ويعطيج العافيه