أي صور عزيزتي؟
أنا أصلا ما حطيت قبل ردك إلا صورة الاسكارف:)
ههههه بإذن الله راح تحبينها بهالطريقة، ياللا جربي وخبريني:)
الصفحة الأخيرة
راح نبدأ من الخارج للداخل:
السطر الأول:
ثبتي الخيط بأحد الأقواس الكبيرة بغرزة حشو
ثم صلحي نصف عمود ثم 10 عمود ثم نصف عمود ثم حشو
وراح يكون الشكل كذا:
ثم انتقلي مباشرة للقوس الثاني وصلحي فيه ( حشو + نصف عمود + 10 عمود + نصف عمود + حشو )
وكرري اللي باللون الأحمر في كل الأقواس
السطر الثاني:
صلحي سلسلتين( حتى ننتقل من القوس الكبير للي أصغر منه) ثم صلحي حشو في القوس التالي
ثم نصف عمود ثم 8 عمود ثم نصف عمود ثم حشو
بعد كذا انتقلي للقوس الثاني وصلحي فيه ( حشو + نصف عمود + 8 عمود + نصف عمود + حشو )
وكرري اللي باللون الأحمر في كل الأقواس
السطر الثالث:
سلسلتين للانتقال، ثم ( حشو + نصف عمود + 6 عمود + نصف عمود + حشو)، وكرري الأحمر في كل الأقواس.
السطر الرابع:
سلسلتين للانتقال، ثم ( حشو + نصف عمود + 4 عمود + نصف عمود + حشو )، وكرريها في كل الأقواس.
قصي الخيط، واستمتعي بأحلى وردة
وهذا شكلها من الخلف:
أسهل من كذا مافي:)
وبكذا نكون انتهينا من الجزء الأول من الاسكارف وبإذن الله ماراح أطول عليكم بالجزء الثاني، يعني أول ما أشوف وحدة طبقت الوردة على طول إن شاء الله بنزل الجزء الثاني.
وبالتوفيق حبيباتي.