هادي طريقة الوردة إللي عجبتكم وأتمنى إنه تطبيقي يكون مزبوط وححاول قدر الإمكان إني أشرح لكم الطريقة
في البداية سويت نفس البترون هادا من الجزء المحدد بالأحمر
http://forum.hawaaworld.com/<a href=http://upload.traidnt.net/ target=_blank>http://upload.traidnt.net/upfiles/Xc769826.jpg
بعدين كملت زي البترون بس زي ما إنتوا شايفين كان البترون فيها ثلاث سلاسل بين العمودين أنا خليتهم سلسلة وحدة وحددتها لكم دائرة بالأحمر في الباترون
الدور إللي بعده زدت عامود يعني بدل عامودين سلسلة عامودين سويت ثلاث عواميد سلسلة ثلاث عواميد
الدور إللي بعده غرزة البيكو
وبعدها تقطعوا الخيط
وتخيطوا بالإبرة بعد ما تلفوها حولين نفسها
نجي للورق الأخضر سويت 5 سلاسل وقفلت بالمنزلقة وارتفع سلسلة وعملت عدد 10 نصف عامود وقفلت بالمنزلقة
بعده ارتفعت 4 سلاسل وعملت عمود بلفتين في نفس المكان ثم عامود بلفة في السلسلة إللي بعدها ونصف عامود بنفس المكان وغرزة حشو بنفس المكان برضه (وترتفعي 4 سلاسل وعامود بلفتين في السلسلة إللي بعدها وعامود بلفة في نفس المكان ونصف عامود في السلسلة إللي بعدها وغرزة حشو في نفس المكان ) وترتفعي 4 سلاسل وتكرري ما بين القوسين إلين ما يكون عندك 5 فروع تابعي الصور
وهذا الشكل النهائي
أتمنى إن شرحي يكون واضح أول مرة أسوي ورشة ولا تحرموني من ردودكم ودعواتكم لأولادي بالهداية وشكرا