ورشة سجاده مجسمه ورده جورى احلى من سجاد النساجون

تعالوا حبيباتى نعمل مع بعض ورشه لسجاده سهله جدا ورائعه انا هعملها امام باب الشقه عندى مساحه فاضيه حوالى مترين فى 3 ومحتاجه فيها سجاده ونويت اعمل الورده دى
انا ابتديت فعلا عندى صوف 300 جرام لونه وردى لان سجادى كله وردى فى كحلى
اعملى سلسله من 80 غرزه فى الباترون 68 بس انا زودت عشان تكبر معايا
الباترون ده فليه كل مربه بيساوى 2 عمود بس انا هعمله على 4 عمود وهنبتدى من السطر الاول من اسفل الباترون خالص هتلاقيه صف مستقيم من 17 مربع ده هيكون بداية الشغل
اعملى 90 سلسه عمود فىال11 سلسه من الابره يعنى هتسيبى 10 سلسله بدون شغل هنشتغلهم فى السطر التانى مش دلوقتى ثم عمود فى كل غرزه يعنى80 عمود ثم اعملى 10سلسله واشتغلى من تالت غرزه على الابره عمود فى كل غرزه حتى ال 10 سلسله اللى سبناهم فى الاول اعملى فيهم 8 سلسله يعنى سيبى سلسلتين بدون شغل دول بيعادلوا اول عمود فى الشغل خالص لحد هنا انا معاكم وسامحونى معنديش كاميرا يا ريت اللى تشتغل معانا وعندها كاميرا تورينا عشان اشرح على شغلهاوالله حتى موبايلى جيل تانى من غير فيديو كنت سهلت عليكم كتير بس عشمى حد يفهمنى ويكون عندها كاميرا وتورينا