اخواتى الحبيبات
بناء على رغبتكم وعذرا للتأخير ورشة الشنطة اللى عجبت ناس كتير جدا الحمد لله
بسم الله نبدأ
اولا حجم الشنطة بناء على رغبة كل واحدة حسب ماتحب انا هعمل الشنطة كبيرة نسبيا
ثانيا حجم الشغل هايتوقف على سمك الخيط بمعنى الخيط السميك هايبنى الشغل معانا بسرعة وعشان كدة انا هشتغل بخيط مكرمية ولو فى بنات هتشتغل بخيط صياد يفضل اختيار الخيط من 12 فأعلى .
ثالثا هنحتاج حوالى 300 جم خيط مكرمية او بكرة خيط صياد بعد رقم 12
واعذرونى سوف اشرح بالتفصيل الممل
يلا بقى كفاية رغى !!!!!!!! ههههه
هنشتغل 30 سلسة لو هنشتغل بخيط مكرمية واللى هتشتغل بخيط رفيع تزود عدد السلاسل بمقدار الضعف
هانشتغل بالعمود لفتين
هنعمل 4 سلاسل بمثابة اول عمود ثم عمود فوق كل سلسة لحد العمود رقم 10
فى السلسلة رقم 11 هانعمل 2 عمود فى نفس المكان ثم نكمل 9 أعمدة ثم
عمودين فى السلسلة التالية ثم 10 اعمدة اخرى
ودة بيكون السطر الاول
ونتابع
ونتابع السطر الثالث
البنات اللى هاتشتغل بخيط رفيع تكبر الشغل وتشتغل مثلا 20 عمود يمين بعدين 2 عمود فى سلسلة واحدة ثم مثلا 15 عمود ثم 2 عمود فى سلسة واحدة ثم 20 عمود شمال
وهانعرف اننا ماشيين صح ازاى؟؟
هانلاقى عدد الاعمدة اللى على اليمين والشمال بيزيدوا فى كل سطر واحد على كل جانب
هنشتغل فى المرحلة دى لحد مانوصل ثلث الشنطة ودة بيكون حسب رغبتك الشنطة كبيرة او صغيرة
اشوف بقى هاتطبقوا ازاى عشان نكمل الجزء الثانى