لاتنسي اخت حنين

نو ع الخيط والابرة يعتمد اعتماد كلي على المقاااس اذا كان صغير او كبير

ليلو الحبوبة .. خلاص كملي معانا للاخر يا لغاليه بس لازم نشوف صنعة يدج فالنهايه


بئر الصمت .. احسنتي وممكن مع بدايه السطر الجديد نبدا بخيط جديد ونخفي الطرف المتبقي من الخيط الي خلص معانا .. بس ياحبذا لو يكون من نفس الخيط ياقلبو.. وسلمت يديج على هالشوز الحلو



انا شوي وراجعه اكمل لكم باذن الله اخر جزء فالورشة وباذن الله نختمها الليله على خير ..

هذا باذن الله راح يكون اخر محطة لنا واخر جزء لنا في هذي الورشة


نكمل السطر الثالث مثل باقي الاسطر السابقه طبعا السطر بداية راح يكون غرزاته على شكل حرف Vمثل هالصوره






والحين نتوقف في مقدمة الحذاء عند هذي المنطقه شوفو وين صار التغيير وبالنسبة لمكانها وين بالضبط (ركزو زييييين)



طالعو كيف شكلها معانا بس ترا صعب علي شوي افرد لكم الحذاء فما بتبين معاكم شوي






نكمل باقي السطر حتى نحصل على هذا الشكل






نبدا بالسطر الرابع كما بهذا الشكل







ونتوقف لنبدا بالتغيير فالمكان المحدد على الباترون





حاولت اصور لكم كيف طلعت معانا بس ترا اللون الابيض يمكن ما يوضح معاكم شوي .. المهم تحون فبالكم ان العمودين الي اشرنا عليهم فالباترون ترا يضمون 5 اعمده تحتهم .. شوفو الصور







نكمل السطر الرابع حتى نحصل على هذه النتيجه




وهذا شكل من قدام شوفو كيف صاير






يتبعــ

نكمل بقية الدرس


الحين نبدا بالسطر الاخير والي تكون فيه شكل غرزات العمود مثل الصدفه كما هو واضح فالباترون



اول شي نبدا حسب الارقام
1. غرزة حشو
2. سلسلة
3. عمود (راسه عند ثالث غرزة في السطر السابق المشار عليه بالرمز ×)
4. سلسلة
5. عمود (مشارك للعمود السابق في نفس المكان المشار عليه بالرمز ×)
6. سلسلة
7. عمود (مشارك للعمودين السابقين في نفس المكان المشار عليه بالرمز ×)
8. سلسلة
9. عمود (مشارك للاعمدة السابقة في نفس المكان المشار عليه بالرمز ×))
10. سلسلة
11. غرزة حشو


وهذا شكل الغرزة فالتطبيق







ونكمل عملنا عند مقدمة الحذاء بهذا الشكل






ونكمل بقيه السطر حتى نحصل على هذا العمل






وهذا شكله من قدام








هذا انهينا عملنا فالحذاء بقيت عندنا اللمسه الاخيره وهي ادخال الشريط (هذه المرحلة اختياريه)
يتبعــ..

نكمل المرحلةالتزيينية للحذاء اول شي نتاكد من توفر هذي الاغراض

شريطة + خرز لولو + مقص + الابره علشان تساعدنا في الادخال + ولاعة (نسيت اصورها :22: )







نبدا بادخال الشريطه في الحذاء طبعا نترك غرزة V مره ورا الشريط ومره قبله وممكن نستعين بالابره علشان تساعدنا في الادخال لها ... الحين دخلنا الشريطة وصار معانا هذا الشكل






نقطع طرف الشريطة على شكل زاويه حاده علشان يسهل علينا ادخالها للخرز .. شوفو كيف بالصورة





الحين ندخل الشريطه فالابره بهذا الشكل



وشوفو كيف كشكش شوي معانا الشريط بس لا تخافون لاننا راح نقصه بهذا الشكل






بواسطة الولاعه نذيب طرف الشريطة على خفيف بهذا الشكل بس لا تتركونها تحمر وايد معاكم مجرد اذابه بسيطة



بسرعه نضمها وهو سخنه شوي على بعضها لحد ما تلتم شوي معانا ومره ثانيه اذيبو طرفها على خفيف وضموها من جديد حتى تصير معانا بهذا الشكل





ونرجع حبه اللولو لورا وصار معانا هذي النتيجه الحلوة





نكرر العمليه للطرف الثاني ونعقد الشريطة للحذاء وملبوس الهنا لعيالكم يارب



أخواتي العزيزات انا ما اطلب منكم من ورا هذه الافاده باذن الله الا الدعاء عن ظهر قلب لوالديّ العزيزين بان يرد الله لهما صحتهما وعافيتهما فهو قادر على كل شي



وفي الختام اشكر كل من تفاعل وساهم في تحريك وتحميس بعضنا البعض وتبادل الافكار الطيبه في شي طيب .. وفقنا الله واياكم لعمل الخير ونشر العلم ..

واي سؤال لاخواتي ترانا موجودين وبالخدمة .. وسامحوني على الاطاله والتاخير وكل تقصير ..


أختكم .. صاحبة الهمه