الاخوات العزيزات
السلام عليكم ورحمه من الله وبركاته
انا ان شاء الله معاكم بس الرسمه اجيبها من فين


جزاكم الله كل خير

ماشاء الله يا تسنيم جزاك الله من خير صالحا حبيبتي في الله والله وحشاني جدا جدا جدا يا إبنة إسلامي
نفع الله بمجهودك

بسم الله الرحمن الرحيم
اهلا اخواتى الكريمات طبعا هشرح الطريقه معاكم خطوه خطوه وبالصور ان شاء الله بس اعذرونى فى الكاميرا هتكون صورها مش حلوه اوى لكن الطريقه سهله جدا والمطلوب
قطعة قماش قطيفه او شمواه زى ما قالت الراجيه والقطيفه الثقيله اجمل ويا ريت متكنش بتمط
وخيوط خشخان ذهبيه وفضيه وناويه اكتر الفضى شويه عن اللى فى اللوحه باذن الله وخيط ماكينه عادى خالص لونه اسود او اصفر والاسود افضل وابرة تطريز يعنى رفيعه شويه عن ابرة الخياطه العاديه ومقص لوحه ورق لونها اسود او اصفر بردك السوده افضل بس انا مش متوفر عندى غير الابيض فهعمله مضطره وهحاول اضيق فى الشغل عشان ميبنش من تحت التطريز ده المطلوب وهتعملوا حسابكم فى 25 او30 جنيه عشان البرواز هتعملوه عند مختص واللى تعرف تعمله بنفسها يبقى يا بختها ويا ريت تقولنا على الطريقه ونبقى نعمله معاها
حضروا المطلوب وان شاء الله نبدأ فيها غدا
نسيت اقول ان الباترون هنعمله بادينا بردك الرسمه امامنا اهه هنحاول ننقلها على اللوحه الورق اذا ما بتعرفيش خلى حد خطه حلو ينقلهالك او خديها لخطاط واشرحيله شكل اللوحه او صوريها على موبايلك من الكمبيوتر ووريهاله
حاليا انا برسم الباترون على اللوحه مقاسها عندى 80طول و40عرض وقسمتها على 4 خطوط عرض من اسفل لاعلى 30-10-30-10 وسيبى 3 سم من جانبى طول اللوحه وارسمى مخططك فى منتصف اللوحه بالظبط كالتالى بعد 3 سم الجناب اصبح العرض عندك 34سم خدى خط فى نصف العرض بالظبط واعملى زىى فى اول 30 عملت نصف دايره كبيره بالبرجل اذا معندكيش برجل اعمليها بصينيه او طبق كبير حطى نصف الطبق على الخط وارسمى نصف الدايره السفلى
ودايره كامله فى ال30 التانيه بس اصغر شويه يعنى صغرى فتحة البرجل واعملى دايره كامله او ارسمى بطبق اصغر وحاولى تخططى الباترون زى ما انت شايفاه

تسنيم
ايه هيه خيوط الخشخان ؟؟؟
تختلف عن السيرما
ومنين اشتريها

السلام عليكم ورحمة الله وبركاته
تسنيم عزيزتي
نفس سؤال الراجية واذا عندك صورة لها ياليت تحطي ها لنا لو سمحتي

وبعدين سؤال على الماشي القطيفة هي المخمل صح

وكمان سؤال على الطاير لوحة ورق اسود هي نفسها ورق الوسائل صح

وتسملين
جعله الله في ميزان حسناتكم