ما لحقت إقرأ كل الردود.. بس عندي اقتراح نعمل جدول يومي لكل عمر
يعني أم الطفل ذو العامين, ما جدولها معه من استيقاظه إلى منامه
و نركز على التفاصيل المهمة.. حتى لو شي بسيط.. مثلاً أنا كنت دائماً كل ما أبداً بإطعام ابني أقول بسم الله , و كل ما يخلص أكل أقول الحمدلله.. بس صار عمره سنة و نصف, صار لحاله من دون ما أقول له, يقول بسم الله و الحمدلله.. حتى أنا تفاجأت فيه لما قالها أول مرة..
بقى التفاصيل أحياناً أهم من عرض سريع للجدول اليومي

ما بعرف لو عجبكم اقتراحي
و بس تفتحوا الموضوع متل ما قالوا الأخوات, خليه للمناقشة من دون ردود شكراً و يعطيكم العافية.. مشان نستفيد

و لي عودة قريباً

الله يجزيكم الخير على اقتراحاتكم اللي فتحت عيوني على اشياء مهمة كتير بالموضوع

ان شاء الله هلأ عم رتب المواضيع و عم حاول دور بالنت على مواقع مهمة بهالمجال .. يا ريت لو حدا كمان بيعرف مواقع ممتازة بالتربية و حتى أي شيء بيتعلق بالأطفال تعطيني المواقع لحتى بلش بترتيب المواضيع ..

عم استعين بموقع اسلام اون لاين .. ممتاااااااااااااااااااااز جدا

يا ريت لو عندكم مواقع كمان تعطوني ياها

والله يجزيكم الخير

انا كنت راح ارشحلك موقع اسلام اون لاين ايضا
بصراحة قمة في امور تربية الطفل

بس ما عندي موقع تاني للاسف

و شكرا لك شام

تسجيل حضور ولى عوده لاحقا بأذن الله :39:

مساء الخير علي الجميع

بالنسبة لي عندي ثلاثة بنات الله يحميهم ويحفظهم يارب آمين
واعمارهم الاولي 7 سنوات وتانية 5 سنوات والأمورة الصغيرة سنة ونص:)