طريقتي في شغل البلوزة بدون بلوزة شبك
واللي هي
طريقة تشبيك الشرايط الكاملة مع بعضها

الشرح ,,

احنا حنشبك الشرايط الكاملة مع بعضها على النحو التالي
يكون عندك شريط كامل جاهز على جنب
وانتي شغالة على الشريط الكامل التاني ,,

ده بالنشبة للشرياط المتساوية في عدد الورد
في ثالث سطر من شريط الشبك من الشريط الثاني الجديد , حتوصليه مع اخر سطر من الشريط الكامل الاول

على فكرة الشريط الكامل = شريط ورد + شريط شبك

يعني توصيل تالت سطرشبك في الشريط a مع اخر سطر في الشريط b
مع العلم بان الشريط b كامل كله وجاهز

وبعد ما اتخلصي شبك او توصيل الشريطين تكملي شغل شريط الشبك بتاع الشريط a
والتوصيل ايكون بالطريقة ديه
اول ما تطلع في ثالث سطر في شريط الشبك ما تعمليش 7 سلسلة

اعملي 3 سلسلة , ثم حشو في قوس في الشريط الكامل الجاهز ,, ثم 3 سلسلة , ثم حشو في قوس في
الشريط اللي لسه مش جاهز ,, وهكدا حتى نهاية السطر في الشريطين
بعد الحشو اللي في اخر قوس في الشريط الجاهز اعملي عمود عشان تطلعي السطر الرابع في الشريط اللي لسه مش جاهز
في السطر الرابع ,, تعملي 7 سلسلة وتنزلي للحشو اللي وصلتي بيها الشريطين وتعملي فيها حشو تانية

اما بالنسبة للشرايط المختلفة في عدد الورد تعملي الاتي
خدي الشريط b واللي هو الشريط الكامل الجاهز
وعدي الاقواس اللي في اخر سطر في شريط الشبك

خدي الشريط a واللي هو الشريط اللي انتي شغالة في الشبك بتاعو
وعدي الاقواس اللي في ثاني سطر في شريط الشبك

حتلاحظي ان عدد الاقواس في الشريط b اكبر من عدد الاقواس في الشريط a
عشان كده لازم تنصقي من عدد الاقواس في الشريط b
او تزيدي عدد الاقواس في الشريط a
والحل الاول اللي هو التنقيص افضل , ليه ؟ عشان لسه في اسطر شبك حتتعمل في الشريط a ,, يعني لو زدتي الاقواس في الشريط ده حتتلخبطي في بقية الاسطر لانك لازم ترجعي اتنقصي الاقواس تاني

طريقة تنقيص الاقواس
مثلا : الشريط b اخر سطر شبك فيه 44 قوس
الشريط a تاني سطر شبك فيه 40 قوس
يعني عندك زيادة 4 اقواس في الشريط b

تيجي للسطر اللي قبل الاخير في الشريط b
واللي هو السطر التاسع لو انتي عاملة عشر اسطر شبك زي ما انا عاملة
في السطرده تشتغلي 8 اقواس كل قوس 7 سلاسل
والقوس التاسع تعمليه 3 سلاسل
وترجعي تشتغل 8 اقواس كل قوس 7 سلاسل والقوس التاسع 3 سلاسل
وهكدا لنهاية السطر
السطر العاشر تشتغلي كل الاقواس 7 سلاسل عادي , الفرق انك ما تشبكيش في القوس بتاع التلات سلاسل ,
يعني الاربع اقواس ديه بتاع التلات سلاسل طنشيها واعملي نفسك مش شايفاها واشتغلي عادي
دلوقتي عدي الاقواس في اخر سطر في الشريط b , حتلاقيها بقت 40 قوس يعني زي الشريط a يعني الشبك سهل دلوقتي

ملاحظة مهمة
يجب شغل البلوزة من تحت لفوق لسهولة شبك الشرايط

واي سؤال انا في الخدمة

يلا يابنات ورونا وين وصلتوا ,, ولو وقفتو او بطلتوا عن الشغل ياريت اتبلغونا

السلام عليكم ورحمة اللة وبركاته ايه يا مروة الحكاية انتى كنتى فين صحيح انا مش بشتغل معاكم وهذا لانشغالى بس انا متابعة جيدة وملحظة ان الشغل ابتدى يبقى فيه كسل وانا كنت قلقة عليكى لان نشاطك قل خير ان شاء الله
بس بسم الله ما شاء الله انتى كدة فى ردك الاخير جمعتى البلوزة بصورة سهلة وان شاء الله تكونى خلصتى منها جزء كبير وتصورية ان شاء الله وربنا يديكى الصحة

ام مي
اخيرا حد رد عليا وعبرني
بقالي كم يوم بنادي وماحدش بيرد
انا قربت اخلص البلوزة كلها ,, بس البنات مش عارفة هم فين واخبارهم ايه
انا غبت شوية لما ما لقيتش اسالة من البنات قلت لنفسي معناها ان الكل فهم الشغل وقعد يطبق فيه
بس الضاهر ان ماحدش بيشتغل الا انا زكم بنت يتعدوا على اصابع اليد
ولو انك مش بتشتغلي معانا بس متابعانا كويس جدا ما شاءلله
ياريت لو كل البنات يبقوا زيك

يا مروه لا كسلانين ولا شي بس مشغولين في مشاغل الدنيا ..
أنا بعدني شغاله بالبلزه و بإذن الواحد الأحد راح أخلصها بس متى ...... الله أعلم ..

..

..

أم الريم ..

ام الريم

الله ايكون بعون الجميع

بس حبيت اطمن على اخباركم اول باول
هذا كل ما في الامر