السلام عليكم ورحمة الله وبركاته
بالأول اعتذر من كل اللي طلبوا مني الورشة على تأخري اللي حصل لظروف خارجة عن ارادتي
وأتمنى تكون الورشة عربون اعتذار يرضيكم :27:
عزيزتي برتقالة حمراء اسفة ما قدرت ارسل لك رسالة اخبرك اني بديت الورشة لان مشاركاتي ما وصلت 50 :(
اتمنى تنتبهي للورشة في القسم
بدخل في الورشة بسرعة بلا كثر كلام حتى ما تكفخوني
بالأول هذي صورة القبعة للي ما شافت موضوعي السابق
مثل ما قلتلكم للاسف ما عندي باترون مرسوم ،، بس بالمكتوب والصور بإذن الله الشرح يسهل
بالأول بحط شرح السطر كامل وبعدها بتلاقون الصور مع الشرح المفصل
واذا وحدة ما فهمت اي شي ما يردها الا كيبوردها
الدورة الاولى :
عندنا طريقتين اختاروا اللي تعجبكم
الاولى وهي الي في الباترون الاصلي
7 سلاسل واغلقيها بمنزلقة
غرزة حشو في اول سلسلة - صدفة من 5 اعمدة في ثاني سلسلة
ونكرر هالخطوة 3 مرات فيصير عندنا 4 صدفات
ونقفل بمنزلقة في اول حشو سويناها
(( الثانية وهذي من عندي وهي اللي سويتها ،، عشان الدائرة اللي في الوسط تطلع اصغر واضيق وحسيت شكل العمل مرتب أكثر فيها ،، وطبعا لكم الحرية تختاروا اي وحدة من الطريقتين وما بيأثر في التكملة ))
نبدأ بـ 4 سلاسل ونغلق بمنزلقة
ونسوي نفس الدورة الاولى ( حشو – 5 اعمدة – حشو وهكذا للنهاية ) لكن الفرق ان نسويها داخل الدائرة وليس داخل سلسلة
وايضا ننتهي بـ منزلقة في اول حشو و يتكون عندنا 4 صدفات
سلاسل ونغلق بمنزلقة
غرزة حشو
5 أعمدة
غرزة حشو
لما ننهي اخر 5 اعمدة يكون عندنا 4 صدفات
ونقفل بمنزلقة في أول حشو
وانهينا اول دورة
الخطوة القادمة هي مقدمة للتزايد في الصدفات ،، وراح ياخذ منا دورتين عشان نكمل التزايد في الصدفات
الدورة الثانية :
نسوي 3 غرز منزلقة في اول 3 اعمدة من اول صدفة حتى نوصل لثالث عمود
نرتفع سلسلة ونسوي غرزة حشو في نفس العمود
( هنا راح تكون بداية التزايد في الصدفات )
نسوي الصدفة بـ ( 3 اعمدة – سلسلة ( توضيح : هذي الي بنسوي فيها الصدفة في الدورة الجاية )– 3 اعمدة ) في غرزة الحشو من السطر السابق ( يعني بين الصدفتين في اول دورة )
شوفي الصور للتوضيح اكثر
ونكرر حشو في ثالث عمود – صدفة في الحشو من السطر السابق للنهاية
وبعدين نقفل بمنزلقة في اول حشو سويناه
وبكذا بيكون عندنا 4 صدفات وهذا الجزء الاول للتزايد
3 منزلقة
نرتفع سلسلة
حشو في نفس العمود
3 اعمدة في غرزة الحشو من السطر السابق
سلسلة
3 اعمدة