هلا والله ههههههههه

آمين الله يرضى عليك

شوفي اختي

الشرح المزبوط لعمل هالقبعه كالتالي بغرزه العمود
علما ان شرح الطريقه كان من الاخت الغاليه ( ماسة المجد ) الله يجزاها كل خير موجود شرحها بغرزه الحشو في الرد 56
وانا باشرحها زي ماسويت ببغرزه العمود

برقم لكم الخطوات بالترتيب
1ـ نعمل خمس سلاسل ونغلقها بمنزلقه
ثم نرتفع ثلاث سلاسل
2ـ نعمل سته غرزه العمود ثم نغلقها بمنزلقه
ثم نرتفع ب ثلاث سلاسل
3ـ نعمل في كل غرزه عمودينثم نغلقها بمنزلقه
ثم نرتفع ثلاث سلاسل
4ـ نعمل عمود ثم عمودين الى ان ينتهى السطر ثم نغلقها بمنزلقه
ثم نرتفع بثلاث سلاسل
5ـ نعمل عمود ـ عمود ـ عمودين الى ان ينتهى السطر ثم نغلقها بمنزلقه
ثم نرتفع بثلاث سلاسل
6 ـ نعمل عمود ـ عمود ـ عمود ـ عمودين الى ان ينتهى السطر ثم نغلقها بمنزلقه
ثم نرتفع بثلاث سلاسل

فهمتي طريقة التوسعه يعني كل سطر تزودي عمود واحده عن السطر اللي قبل وانا لونتها بالاحمر عشان توضح الطريقه
بعدين توسعين حسب رغبتك ب ولحد ماتوصلين لقطر الراس المطلوب وبعدين تشتغلي عمود على كل الغرز وتستمري حتى يوصل الطول المطلوب

ملاحظه
اذا حسيتي بعد الخطوه الخامسه ان القبعه كانها بدت تسوي تموجات خفيفه اشتغلي السطر اللي بعدها كله
عمود - عمود - عمود بدون زياده والسطر اللي بعده كملي خطوات التوسه
والحين شرح الغرز المستخدمه في القبعه

غرزه السلسله شرحها كالتالي

وهنا راح اوضح لكن حبيباتي شرحها بالصور

ومعه شكلها في الباترون


وتنهين غرزه السلسله بمنزلقه












وبعدها تشتغلين غرزه العمود
وهذا شرحها

غرزة العمود
Double crochet-dc

شرح الغرزة
* وهي تعتبر الغرزة الرئيسيّة الّتي تُشتَق منها مُعظَم الغرز الأخرى.
* ومن مسمّياتِها غرزة البريد والغرزة المزدوجة كترجمة لـ double crochet واختصارها dc
* غرزة العمود طولها = 3 سلسلة ، ومعنى هذا أنّنا إذا أردنا البدء في صف ما بغرزة العمود يتم أوّلا عمل 3 غرز سلسلة (تمثل ارتفاع غرزة العمود ) ثم نستكمل الصّف حسب الباترون.

طريقة العمل



وبس ياحلوه


علما ان الشرح لمحبة ابنة الصديق جزاها الله كل خير

صباح الخير..

ما شاء الله عليك يا حبيبة.. انجزتي وشرحتي..

عساك عالقوة..

الخيط قصيه و اعقديه لا ينفلت..

ارتفاع قبعتي مدري بالضبط شكثر!!! يمكن 10 سم او اكثر شوي!!

لأني ابيها تغطي اذن بنتي..وبيني وبينك.. ما عجبتني النتيجة ابد..

ما طلعت نص دائرة!! طالعة نص مستطيل!!!!!!!!!

المهم بنكمل ونشوف نهايتها..

دفا و سمسم.. ننتظرتطبيقاتكم..

مرحلة التزيين..

الاذن عبارة عن حلقة البداية.. خمس سلاسل او حلقة سحرية..

السطر الاول.. خمس حشوات..منزلقة نصعد سلسلة..

السطر الثاني..عشر حشوات..يعني حشوتين بكل فنحة..منزلقة نصعد سلسلة..

السطر الثالث.. حشويتين..حشوة.. حشوتين ...حشوة..لنهاية السطر.. منزلقة سلسلة..

السطر الرابع..حشوتين حشوة حشوة حشوتين.. حشوة حشوة حشوتين......

السطر الخامس.. حشوتين حشوة حشوة حشوة حشوتين........

نفس ما سوينا مع دائرة القبعة.. الين نوصل للسطر التاسع..

بعد منزلقة السطر التاسع..نصعد ثلاث سلاسل.. ثم نشتغل ثلاثة عامود بلفة بثلاث فتحات من السطر السابق..

ثم سلسلة ثم نشتغل عشر حشوات..

ثم سلسلة .. عامود عامود..عامودين بفتحة وحدة.. عامود عامود..سلسلة.. ثم عشر حشوات.. سلسلة.. عامود عامود..

وراح ينتهي السطر بهالمرحلة.. نغلقة بمنزلقة ونعقد الخيط ونقصه..

ونسوي وحدة ثانية للأذن الثانية..

وان شاء الله راح اصور تطبيقي واوضح السطر الاخير اكثر للي ما فهمت..

افا يا ذالعلم.. الورشة راحت للصفحة الثانية!!!!

وينكم بنات!!

مع ليش بس الرد اللي قبل هذا كنسلوه لا تطبقونه طلع فيه اخطاء..

مشكلتي اني اكتب بعدين اطبق!!! وهذي اول مرة اسوي ورشة..:35:

________________________
خطوات الاذن الصحيحة..

1- اربع سلاسل.. منزلقة سلسلة..

2- السطر الاول خمس حشوات..منزلقة سلسلة..

3- السطر الثاني حشوتين بكل فتحة..يعني عشر حشوات..منزلقة سلسلة..

4- السطر الثالث.. حشوتين حشوة حشوتين حشوة... المجموع خمس طعش حشوة..منزلقة سلسلة..

5- السطر الرابع.. حشوتين حشوة حشوة.. حشوتين حشوة حشوة...المجموع عشرين حشوة.. منزلقة سلسلة..

6- السطر الخامس..حشوتين حشوة حشوة حشوة.. حشوتين حشوة حشوة حشوة... المجموع خمسة وعشرين حشوة.. منزلقة سلسلة..

7- السطر السادس.. حشوة بكل فتحة.. انتبهي ما نزيد عدد الحشوات.. يعني المجموع راح يكون خمسة وعشرين حشوة..منزلقة سلسلة..

8- السطر السابع.. حشوتين حشوة حشوة حشوة حشوة.. حشوتين حشوة حشوة حشوة حشوة.. المجمع ثلاثين حشوة.. منزلقة سلسلة..

9- السطر الثامن.. حشوة بكل فتحة.. اي ثلاثين حشوة.. منزلقة سلسلة..

10- السطر التاسع.. حشوة بكل فتحة.. اي ثلاثين حشوة..منزلقة.. ثلاث سلاسل..

11- السطر العاشر.. عامود عامود عامود..سلسلة..عشر حشوات

ثم سلسلة.. عامود عامود.. عامودين بفتحة وحدة.. عامود عامود..سلسلة.. عشر حشوات سلسلة..عامود عامود..

منزلقة.. ونعقد الخيط ونقصة..

كذا نكون خلصنا الاذن الاولى.. نكرر الخطوات للاذن الثانية..

واعتذر مرة ثانية للخربطة اللي بالرد السابق..

اعادة للسطر العاشر بالصور..

ثلاث سلاسل..




ثلاث عواميد.. سلسلة.. عشر حشوات..



بعد العشر حشوات ..سلسلة عامود عامود..عامودين..





الباقي ما صورته لأنه واظح..

هذا الشكل النهائي لها..



وهنا باين شكل العواميد.. اللي خلت نهاية الاذن منحنية عشان تركب على القبعة..