السلام عليكم اخواتي الغاليات
دي شكل الميدالية
نبدا بسم الله
نشتفل حوالي 8سلسلة ونقفلهم علشان نعمل دائرة
نطلع 3سلسلة زي بداية اي شغل وبعدهم نشتغل بغرزة العامود لحد لما نملا الدائرة وتكون الغرز مستريحة يعني ولاهي مورورة ولاهي مشدودة
نعمل تاني سطر ونزود في العامود لو احتاج زيادة في الغرز علشان تكون مستريحة 
بعد لما نخلص سطرين نعمل سطرين تانيين بدون زيادة في العدد علشان الشغل يقوس لتحت ويديني شكل الشنطة
نغير لون الخيط علشان نعمل طرف الشنطة ونشتغل بغرزة المنزلقة (بدون لف علي الابرة)
فاصل ونعود
نعد عدد الغرز ونحزف منهم 6 ونشتغل نص العدد ونسيب 3مش نشتغلهم ونعمل فوقهم حوالي 8غرز سلسلة ونشبك الشغل بعد الغرز ال3 اللي سيبناهم
الصور حتوضح الفكرة
نشتغل باقي النص التاني من عدد الغرز لحد لما يتبقوا 3غرز نعمل برضه فوقهم 8غرز ونشبك ف البداية حنلاقي الشنطة وضحت بس اليد ضغيفة (ال8 غرز السلسلة )
حنعمل عليهم سطر تاني بغرزة المنزلقة
حتي الغرز ال8 نشتغل عليهم بالمنزلقة
وكدة وضحت الشنطة
نزينها بخرز او بوردة جيبير حسب رغبتك
علشان تكون منفوخة ويبان شكلها احشيها قطن او قطعة فيبر ونخيط من الداخل بابرة خياطة نقفل علي القطن
وهنا وضحت اكتر بعد القطن
اشبكي فيها اي حلقة ميدالية قديمة او سلسلة مستغنيه عنها
اتمني تعجبكم الفكرة
اترككم في رعاية الله
سلام عليكم