فهمت عليكى
سلسله ونشتغل فيه 4 عواميد ثم نترك سلسلتين ثم 4 عواميد

صح كده

شكرا حبيبتى ويا ريت تصححى الصدر حتى اكمل

رجروجه يااعسل من العسل طبعا جميل جداااااا ماهو انتي بسم الله ماشاء الله استاذه الجميع وفنانه وموهبه
وكبيييييره غصب عن الدهاشنه والجعافره ههههههه
باترون الضهر عندك ياقمر ولاتكسلي ابدا والله اسعدتيني كل ده شرحي داانا حلوه قوي هههههههه
طبعا باهزر وعارفه انك مش محتاجه شرح

بصي يارجروجه الصدر انتي عامله في الاول 4 لوبات صح؟؟
انتي اخدتي نقول اللوب 1و2و3 وفي الناحيه التانيه من الصدر بتاخدي اللوب 3و4و1 علشان الصدر يدخل في بعضه زي الصوره

ونكمل الصدر يابنات
اعملي 3 سلاسل لبدايه السطر الجديد وسيبي اول عمود في اول مجموعه مكونه من 15 عمود واعملي 14 عمود-( 3سلاسل- غرزه حشو في السلسله اللي بين المجموعه دي والمجموعه اللي بعدها - 3سلاسل- سيبي عمود في المجموعه التاليه واعملي 14عمود ) كرري مابين القوسين مره كمان - 3 سلاسل ولفي
السطر التالي- سيبي اول عمود من اول مجموعه واعملي 13 عمود-( 8سلاسل وسيبي اول عمود في المجموعه التاليه واعملي13عمود فوق المجموعه التاليه )وكرري مابين القوسين مره كمان - 3 سلاسل ولفي
السطر التالي- سيبي اول عمود في المجموعه واعملي 12 عمود-( سلسلتين- 4عمود في اللوب المكون من 8 سلاسل- 3سلاسل- 4عمود في اللوب المكون من8 سلاسل ايضا- سلسلتين - وسيبي اول عمود واعملي 12 عمود فوق المجموعه التاليه)وكرري مابين القوسين مره اخري - 3 سلاسل ولفي

السطر التالي- 11عمود-( سلسلتين- 4عمود فوق ال4 عمود من السطر السابق- 4عمود في اللوب المكون من 3 سلاسل- 3سلاسل- 4 عمود في نفس الفراغ-- 4 عمود فوق ال4 عمود من السطر السابق- سلسلتين- 11عمود )وكرري مره اخري