ورشة جميلة من الجميلة ام قسمت 00 شرحك والله روعة 00 استاذة فعلا بجد0 انا معاك يا ام قسمت الله يبارك لك يارب ومااتحرمش منك ابدا يا غالية00 يللا كملى يا غالية00 توتو فخرى0

ونكمل يابنات
دلوقت احنا خلصنا قلب الورده بالكورنيش الصغبر حولها وعايزينه يكون بارز شويه بنعمل غرزه حشو لوراء الورده في غرزه الحشو الاولي في سطر الحشو السابق للسطر الاخير ثم سلسله
عمود خلفي في نفس الغرزه وفي الغرزتين التاليتين(3 عمود خلفي)



اعملي 8 سلاسل ثم عدي 6غرز حشومن السطر ده واعملي 3 عمود خلفي في غرز الحشو الثلاثه التاليه ثم عدي 6 غرز حشو واعملي 3 عمود خلفي في ال3 غرز حشو التاليه ثم سيبي 6 غرز حشو واقفلي بغرزه منزلقه في قمه العمود الخلفي الاول في السطر
كده عملتي 4 لوبات


السطر التالي - اعملي غرز منزلقه حتي اول لوب


ثم اعملي 15 عمود بلفه في اللوب ده
وهنا علي مااعتقد بتتحكمي في مقاس البلوزه يعني ال15 عمود بيعملوا معاكي 15 سطر علشان بتنقصي كل سطر عمود لغايه ماتوصلي لعمود واحد وده اللي بيديكي شكل الورده اللي ماسكه البلوزه
يعني لو ابتدينا علي عدد اقل من الاعمده بيكون المقاس اصغر من المقاس اللي في الصوره ولو كترنا عدد الاعمده بيكون المقاس اكبر
المهم اعملي 15 عمود بلفه في اول لوب ثم سلسله ثم عمود في اللوب التاني

ثم 14 عمود بلفه وكده تكوني عملتي 15 عمود بلفه في ثاني لوب ثم سلسله و15 عمود بلفه في ثالث لوب

وعلي ال3 لوبات دي حانشتغل الجانب للبلوزه ولما نخلصه حانعمل 3 لوبات للجانب الاخر

الله يخليكي ياقمر وانا عايزاكوا دايما معايا وتشجعوني كده

الله عليكي ياسما وبسم الله ماشاء الله شغلك جميل جدا ياللا انا نزلت لك كمان شويه خطوات وريني الابداع ياقمر


الشكر لله ياقمر وانا في انتظار التطبيقات الجميله


توتو الجميله والله بتوحشيني وبيوحشني كلامك الجميل وتشجيعك الدائم
وانا في انتظار تطبيقك ياقمر

شوفي تطبيقي يا ام قسمت يارب يطلع صح مع اني بهدلت كتير