ورطة في بيتي ، البق

ما عندي علم
اسال الله ان يرفع عنك وعنا وعن الجميع كل بلاء وهم وتعب
وان يسهل امرك لكل خير وعافيه
رفع للفائده

جزاك الله خير
رفع

فيه وحدة كاتبة في نفس القسم نفس موضوعك
ورديت عليها بهذا الرد
......

مرحبا ياعسل
وربي حاسة فيك
ومافي احد ممكن يحس فيك الا المجرب واللي طفش من البق
انا وعيالي عانينا كثير
النوم نسيت الراحة فيه
خلاص طفح الكيل
المشكلة فيه شركات تجي تبخ اي كلام وتمشي
وفيه شركات تجي وتحط لك حبوب وتمشي
ودا ماتستفيدي منه ابدا
لحد ربي وفقنا وجبنا شركة والله مخلصين من قلب
بخو البيت كل مكان كل زاوية يعني مابقوا شي
لدرجة الريحة وصلت للجيران وجاءءوا يسألوا لأنه تكتمم
وكمان لما خلصوا حطو حبوب في الدواليب والزوايا
وقالوا لازم نكون برا البيت 4 ايام
وبعد اربع ايام رجعت ونظفت والريحة لسه باااقية
حتى جانا حساسية في وجهنا خفيفة بس
عشان كدا لو تجلسي اسبوع برا افضل
والله دحين لي كم شهر ياربي لك الحمد مرتاحين ع الآآآآآآآآآآآآآآآآآآآآآآآآآآآآآآخر
وربي حاسة فيك ياقلبي
واذا انتي في مكة خبريني ارسلك رقم الشركة
لأنهم مو كلهم يقدرو يتخلصو منها
وحدة من صديقاتي جابت شركة حطو لها حبوب وبس
وجلس كم يوم ورجع

ربي يكون بعونك
وتنامو مرتاحين انتي وعيالك

وع فكرة صاحب الشركة خبر زوجي من ضمن الحلول تضربو البيت بوية جديدة

رفع

1_ أهم شيء تعرفي أماكن تواجدها لانو لو رشيتي دوا كذا ما حيوصلها.
2_ حطي تحت أرجل الأسرة ( السرير) صحون بلاستيك أو العلب البلاستيكية .. ما تقدر تطلع لكم.
3_ غالبا اماكنها قريب من الناس أطراف المراتب والمخدات , وحوالين الكنب والكراسي.
4_ إلحقي وطلعي أثاثك في الشمس .. حتى الملابس واللحف والمخدات حطيها بكيس نفايات كيسين جوت بعض وحطي عفشك
وخليها تحت الشمس اسبوع راح تموت من الحر وبعدين غسليها بموية حارة أو حطيها في المجفف الحراري.
5_ قبل ما تناموا انفضوا الفراش ثلاث مرات وسموا بالله.