ورطت نفسي وذحين مدري وش اسوي؟؟

لا تروحي الا لما تعطيها خبر
يمكن مو مستعده
اعتذري منها وقولي لها بجيك اليوم

غلطانه ونص
اكيد بتستعد لك وفي النهايه ماتروحين

انا صديقتي قالت لي بجيك ووالله استعديت لها بالحلويات والمعجنات والقهوه والمكسرات وكل شي وكشخت انا وخواتي

انتظر انتظر ولا جات

ومره ثانيه قالت بتجي واتجهز لها من كل شي انا وخواتي
وانتظر انتظر جات الساعه 11 بالليل ماجات
وبعدها تتصل تقول مافي احد يجيبني ياسلااااااااااااام
رغم ان البيت مو بعيد تقدر تجي مشي
انقهرت وتفشلت قدام اهلي

ومره ثالثه قالت بتجي ولا عطيتها وجه قلت لها ماني فاضيه لك لاتجين

بصراحة تعرضت لمواقف مماثلة..تكون وحدة مواعدتني بتجيني قبلها بيوم مثلاً وأجتهد بأصناف الأكل وترتيب البيت وألبس وأتضبط وأجهز كل شي وأستعد وأبخر البيت وأكنسل كل ارتباطاتي عشانها وقبل موعدة الزيارة بدقايق تتصل تعتذر!!!
وبعضهم ماتتصل أنا اللي أتصل وأقول لها وينك؟فترد علي ببرود:معليش تعبانة ومكسلة خليها مرة ثانية!!!
أقول لها:طيب ليش مااتصلتي تعتذرين؟
تقول:أخاف أتصل اعتذر وتزعلين!!
بالله إش اللي يزعل أكثر؟إنك تتصلين تعتذرين؟أو ماتتصلين أبد وتتركين خلق الله ينتظرونك؟!!
وللأسف لاحظت هذا الطبع في ناس كثير ماعندهم احترام لمواعيد الزيارة..هل تظن الوحدة إن الناس على كيفها؟ولافاتحين بيوتهم24 ساعة في رجا زيارتها؟
صارت لي مواقف كثيرة من بعض الناس لدرجة إن زوجي قال:ياليت الناس يعاملونك مثل ماتعاملينهم شوفي كف اهتمامك بالضيف وشوفي كيف اهتمامه فيك!!!
يحق لي أزعل أو لا..
بس أحسن طريقة تعتذرين فيها لصديقتك إنك تختارين لك يوم ثاني تزورينها فيه وتعوضينها لاتنتظرينها هي تدق عليك..لأنها بتحس كذا إنها هي اللي قاعدة تجري وراك وإنتي مو معبرتها..
أتمنى إنك ماتكونين مثل بعض ناس مروا علي..الله يصلحهم..الزيارات فن وله آداب وقواعد قليلين اللي يفهمون فيها

سبحاان الله وبحمده سبحان الله العظيم

الناس اجناس في ناس يزعلون هذا من اول مره فما بالك اذا الشي تكرر
وبعدين الناس لها ضروفها بعد يمكن تلاقينها اجلت موعد عشانك وكرفت بعمرها عشان تزين اللي بتضيفك به
وبالاخير ماتجين شي يقهر بصراحه
وانت ادرى بنوع قريبتك اذا هي من النوع السمح والطيب مااعتقد بشيل بخاطرهابس بتتضايق اكيد
المهم اذا بتروحين لاحد مره ثانيه لاتقولين انك بتجين الا اذا كنت متأكده زين انك بتجين وانه مافي ظروف راح تمنعك الا اللي مافي يدك حيله لها