كوبونات الراقية تسجيل الدخول

أم يحيى
أم يحيى •
الشي الثاني ، قرأت أن الزوج صاحب الحركات المريبة أو العلاقات المحرمة ،يكون مثل السكران أو المدمن اللي مايحس بما يحدث حوله ، ولا يتقبل بل يكره كل ما يقطع عليه متعته الوهمية التي يعيشها ..فإذا علم أن زوجته كشفته ، فإنه يكرهها ويحس أنها مثل الشرطي الذي يلاحقه ، ويتفنن في ابتكار حركات ثانية بعيدا عن أعين زوجته ، وبعضهم يجعله تحدي وعناد لها ، كأنه يقول لها : أنا القوي وأنت الضعيفة ، وينسى أن القوي هو الله ،وأن هذه الضعيفة عندما تستعين بالله ، سيعود ليقبل راسها راغما عندما يعلم قدرها ...
خواتي أنا ما أردد هذا الكلام من واقع الخيال ، كما ذكرت لكن سابقا ، كلها أحداث واقعية سمعت بعضها من ثقات وبعضها حدثت في مجتمعي شاهدتها بنفسي ..لذا فإن انحراف الزوج ليس نهاية العالم ،، ويعتبر مرض كباقي الأمراض ، يحتاج علاج وصبر ، واستعانة بالله وهو أساس العلاجات ...


وأهم من هذا كله :
تقوى الله من قبل الزوجة ،

فلا تكون هي متهاونة في أمورها الدينية ثم تلقي باللوم فقط على زوجها ....

( ومن يتق الله يجعل له مخرجا )






:26:
أم يحيى
أم يحيى •
الوف الوف :
اذكر لكم موقف مشابه السالفة قديمة قبل لايكون فيه جوالات الزوجة وجدت ورقةعبارة عن فاتورة في جيب الزوج وخلفها ابيات قصيدة غير مكتملة يعني جديدة..!! لان زوجها كان راعي قصيد... يعني بعض الابيات ناقصة يعني شطر فقط وبعض الابيات كاملة... وفيها انه فاقد الحبيبة وضيعها وانه يون على فرقاها ويتمنى يلاقيها....المهم القصيدة تدل على تولع وهيام وتمني لقاء لان زوجها كان راعي قصيد... ولكنه بعد الزواج ترك القصايد بقوله ماأحد يستاهل القصيد الا زوجتي طبعا الزوجة على طول ضربت الفيوز عندها ..!! وين العهد اللي قطعه على نفسه؟؟ وعرفت ان الزوج يحب ويتمنى اللقاء...الخ قالت خلاص مالي قعدة معه...اكيد خاطب ويبي يتزوج...لكن الامتحانات على الابواب ...وعيالها يختبرون وعادة يروحون لاهلهم في الاجازة ...لان اهلها واهله في مدينة ثانية غير الرياض فقررت انه اذا راحت بالاجازة ماراح ترجع..وتطلب الطلاق لانها ماتتحمل ان زوجها يكون مع اخرى.. وبدأت في تجميع عفشها وزوجها متعجب ليه كل هالشناط؟؟ الاجازة اسبوعين ماتستاهل كل هالشناط؟؟ والزوجة تتحجج بحجج مختلفة مثل المناسبات كثيرة وهم قاعدين مرة طلع الاوراق من جيبه ولقى الفاتورة وقعد يقرأ الابيات ويضحك:) وهي يتنهبل وقالت له وش فيك ومن هي اللي قايل فيها القصيدة قال تذكرين يوم نروح لمهرجان التسوق قبل 3 أسابيع والزحام شديد...وضيعتك...وماعرفت الاقيك ولانك حامل خفت عليك زيادة وصرت قلقان ومن الدوران والتلفت تعبت بعدين رحت للسيارة وانا ماني عارف وشلون بتدلين السيارة فحسيت اني ماراح القاك وكتبت هالقصيدة فيك من خوفي عليك وماتلاقوا الا بعد ساعات وهي خلصت شغلها وتسوقت والحمالي وراها يدف عربية المقاضي والرجال يضرب اخماس في اسداس تقول تفشلت من نفسي وسوء ظني وعلى طول رحت انقص من الشناط واقول هونت المناسبات يامسيكين شوفوا تفكيره وتفكيرها القصيدة اللي زعلتها كانت فيها هي بس ابليس الله يدحره كبر الموضوع في راسها
اذكر لكم موقف مشابه السالفة قديمة قبل لايكون فيه جوالات الزوجة وجدت ورقةعبارة عن فاتورة في...
يووووه والله قصة محزنة بجد
طيب هي ليه تشك فيه على طول
يا ألله ...ليش حنا يالحريم عاطفيات لها الحد اللي نؤذي فيه أنفسنا ..على طول حرمة ثانية في حياة زوجي ؟
الله ياجرنا ويهدانا ..
يعني لو أنه ما طلع الورقة قدامها وقام يضحك ؟؟؟
لكن الله ستر بستره والحمد لله .


أشكرك أختي الوف كثيييييير كثير على هذي المشاركة المهمة واللي تخلينا نفهم كيف نتصرف في مثل هذي المواقف وما شابهها ..وجزاك الله كل خير ..




:26:
أم يحيى
أم يحيى •
فلة تلعب سلة فلة تلعب سلة :
الوحدة منا لازم تكتم غيضها وغيرتها قد ماتقدر وهذا لسببين الاول ماتضايق زوجها والثاني تحافظ على بيتها صارت لي سالفة قبل فترة ضرتي سوت فيني سالفة تلفت لي اعصابي ترسل لي من جوال زوجنا كلام غزل كأنه هو مرسل لوحدة لكنه ارسل لي بالغلط (دايم يغلط) وانا من الخبالة صدقت وكتمت وقلبي محترق وكانت تتصل في الساعة عشر مرات عشان يجيني الشك وترسل رسايل كل شوي لين اعصابي خلااااااص وكاتمة كااااااتمة وميتة بغيضي اقول يارب لو حلال مقدر ومكتوب ولو حرام مصيبة عظيمة وجا اليوم اللي كشفها انها ورا اللعبة هذي وجا اليوم اللي تأكدت من براءته جابها لي ربي من عنده بسبب دعاءي يارب نور بصيرتي وبصري عالحقيقة الحمدلله ومن بعدها استغفرت ربي اني شكيت فيه وحمدت ربي اكثر اني ماتسرعت وتهاوشت معه
الوحدة منا لازم تكتم غيضها وغيرتها قد ماتقدر وهذا لسببين الاول ماتضايق زوجها والثاني تحافظ...
غريبة قصة سلفتك هذي!!
سبحان الله .يعني هي إذا تبي تختبر زوجها ، ليش تدخلك بالموضوع ؟؟
أو أنها تبي تسوي فيك مقلب ؟؟ أعوذ بالله هذا مو مقلب هذا خراب بيوت ...لكن الحمد لله اللي هداك للتصرف السليم بدون مشاكل .. صدق عليه الصلاة والسلام : " تعرف الى الله في الرخاء يعرفك في الشدة " فلولا استعانتك بالله وصبرك لربما آذاك تصرفها هذا وأثر على بيتك وزوجك فالحمد لله ...بارك الله فيك أختي وجزاك الله خير على المشاركة وأسأل الله أن يسعدك و يرزقك الذرية الصالحة التي تفرح قلبك في الدنيا والآخرة ..



:26:
أم يحيى
أم يحيى •
وخذوا هذي القصة لقيتها في الشبكة ( أنقلها كما هي ) :

-------------------------------------------------

من الطريف ان وحده تقول :
لقيت في جيب زوجي ورقة صغيرة مرررررة في نفس الجيب يعني ما حفظها بالمحفظة المخصصة للاوراق المهم

تعرفون فضول (( بعض )) بنات جنسي الله يخليهن ويسعدهن ، تقول :

يوم فتحت الورقة وجدت فيها كتابة صغيرة مرررة ( خان ) وعندها اربع ارقام تقول:

زوجي كان يدخن وسبحان الله على طول جا( بذهني ( دخان ) قامت اختنا في الله ومزقت الورقة ورمتها الله يعزكم ........وهي تغلي على حد قولها .

اختنا تقول:
بعد اسبوع تقريبا سألني زوجي وين الورقة ماشفتيها ؟
ماشاء الله تقول :
حضرت الشياطين وفروخها عندنا ذيك اللحظة
المهم وانهلت عليه في الكلام واتهمته انه راجع للتدخين .............

تخبرني قائلة :

سبحان الله زوجي وقف صامت بذهول ما يعرف ايش السالفة.

تقول يوم خلصوا الفروخ مهمتهم ( الله يحفظنا منهم واياكم ) تحدثت مع زوجي بهدوء واخبرته تقول:

ضحك بصوت عالي خفت عليه من شدة الضحك
قال لها : تدرين يا استاذه المكتوب ايش ؟ قالت لا .

قال :مو انتي كنت ناوية نغير مجلس النساء (( معتق )) عتق الله رقبتك
تقول:قلت له إلا .

قال : هذا (( خان ، اسم العامل اللي ابتفق معه هذا الاسبوع وعطاني رقمه المباشر,,, ماهو دخان وين عقلك دخان قيمته كذا وكذا ))
الله يخلف على .

قال :
لها عقاب لك ما راح نعتق ( إلا لما تعتقيني من التفتيش )



:26:
غرشوبة أبوظبي
غرشوبة أبوظبي •
الله يهدينا نستعجل بالحكم لازم الواحد يسال ويتحرى قبل لا يحكم

بقولج طريقة أمي .... ابوي بحكم عمله يضطر احيانا لمحادثة الحريم او انهن يتصلن على تليفونه وابوي بعد بحكم شغله كثير السفر

ابوي ونحن جالسين اذا اتصلت امراه يكلامها عادي بصيغة المؤنث مع العلم ان بعض الرجال يخبون حتى لو كان لعمل

نحن نستغرب ونعصب على ابوي ونسال من هاذي وامي تشوفينها عادي

يوم سالتها انتي ما تغارين او ما تعصبين على ابوي؟؟؟ قالت زين اذا عصبت ما باحرق اعصابي وهو غصب عنه يكلامها عشان شغله... وهو يكلامها ما كان قعد عندنا ما قام مثل الحراميه

وقالت ابوج لو بيسوي شي كان سواه من زمان بحكم عمله... لازم الوحده تكبر عقلها
وقالت اللي يسوي شي يغلط ما يسويه قدام الناس تشوفينه دايم خايف ومتوتر وغير مطمئن ويمشي جنب الجدار مثل ما يقولون

وتذكرت بيت المتنبي: كاد المريب بان يقول خذوني

والحمد لله اتبعت هالسياسة مع زوجي دايما اشوف ارقام غريبة بتليفونه بس ولا مره سالته وحققت معه لاني احس انه ما يسوي شي
ومثل
ما يقولون المراه احساسها دليلها