السلام عليكم ورحمة الله وبركاتة ..
مساءاتكم ياسمين وصباحاتكم بروح الهيل تطيب
,’
طلبو مني بناتي ورق عنب .. فقلت ابشروا بس بشرط تساعدوني :wink2: وبصراحة ماقصروا ساعدوني في التقطيع واللف والتصوير وكل شي الله يسعدهم ..
,’
خلوني أكلمكم عن ورق العنب الي أنا وعائلتي نحبه .. هو المسمى باللهجة لشامية يا لنجي يعني حشوة رز مو لحم ورز .. والزيت فية زيادة حبتين ..
من مقومات نجاح ورق العنب نوعيتة انا افضل نوعين فقط ( قودي والعلالي ) غير هالنوعين تخلي ورق العنب ميل للسواد ...
والشي الثاني الحشوة اعتمد فيها على نقع الرز المصري مو أغليه لا انقه بس واضيف له باقي المكونات
الشي الثالث الي هو طريقة لف ورق العنب ... محظوظة الي تعرف تلف ورق العنب وتاخذ يدها على نفس الحجم لكل الحبات .. وبصراحة انا ما اجيد هالطريقه علشان كذا أنا استخدم ألة حلوة للف ورق العنب
اسمها داليا واظن صناعتها سوريه ولها درجات من رفيع الى سميكه ريحتني كثير ..
’,
بسم الله نبدأ الطبخه ...
المقادير ..}
علبة كاملة ورق عنب قودي وممكن العلالي مثل ما قلنا
مقدار كاسة رز مصري منقوع لربع ساعه في موية دافية وملح ..
كاسة ليمون
كاس زيت زيتون
حزمة بقدونس
شوي نعناع وشوية شبت <~ هالثنين على حسب الرغبة وانا احب نكهتهم طالعة شو لذلك حطيت تقريبا ربع حزمة من كل واحد
3فصوص ثوم
3 حبات وسط طماطم
بصلة كبيرة
مكعبين ماجي
ملعقتين كبار صلصة طماطم
بهارات
’,
الطريقه..}
نفرم البصل والثوم بالفرامة ..
الطماطم نقطعها باليد بشكل صغير
البقدونس والنعناع والشبت كلها نغسلها زين ونصفيها من الموية ونفرمها بمفرمة البصل بس مو مره نخليها ملوخية .. لا ..بهذا لشكل
نخلطها مع الرز ونضيف عليها البهرات ونصف كاسة الليمون ونصف كاسة زيت الزيتون ..
بيكون شكل الحشوة مثل بالصورة .. ونبدأ نحشي ورقات العنب طبعا باليد احسن لكن انا استخدم الأله أسرع وأرتب لاني مو مرة اعرف الف ورق العنب بيدي :44:
هنا بعد ما لفينا كل الكمية ..
بعدها نقطع شرايح بطاطس ونرصها في قاع قدر الظغط ... نسينا نصور هالخطوه بس أكيد كلكم تعرفوها ..
ونرص فوق البطاطس ورق العنب جنب بعض بحيث تتماسك وما تنفك وقت الغلي
بعدين نخلط الصلصة في كاسة مع ماجي وموية حارة نصبها فوق ورق العنب ونيف نص كاسة زيت زيتون ونص كاسة ليمون ونزيد كمية الموية الحاره حتى تغطي ورق العنب وغطيها بطبق سميك
ثم نسكر الكاتم ونقصر النار على اخر شي لمدة نص ساعة ونفتح عنه نتركة ربع ساعة ونبدأ نطلعة من القدر
واستمتعو بالطعم ...
هذي صورة من جوالي ..
هذي من تصوير بنتي بكاميرتها كنون :love:
وصحتين عل قلوبكم
سااااااالت سعابيلي حرااااام :icon29:
تسلم يداتك انتي والبنوتات الله يحفظهم ويبارك فيهم ياااااااااااارب:heart::heart: