ورق جدران

ارى ان ورق الجدران يعطى منظر جميل وخاصة الذى يقسم الحائط الى قسمين وهو يناسب غرف الاطفال وغرف الجلوس
لكن ليس عندى فكره عن كونه عملى وسهل التنظيف والتعامل ام لا

هلا عزيزتي

الورق جدران يعطي المكان اكثر جمال بس اعتقد ايام الرطوبه يتفكك الا اذا كان من النوع الغالي

وبعد اذا كان عندك اطفال وخربشوا على الطوفه يصعب تنظيفها يعني بيخرب الشكل

وممكن بنفس الوقت اذا تمزق مايترقع :)

انا بعد بخاطري ورق بس ولدي بيعدمها :) الله يحفظه

قلت اصبغ الغرفه واحط ورق جدران فاصل اللي بالنص بس مايطوله وبنف الوقت يعطي شكل حلوو ...

شرايك!!
تقبلي تحياتي وقبلاتي اختك
آلاء

ورق الجدران ماينفع صح انه اشكاله حلوه بس والله ماينفع يتمزق وخاصه للاطفال

بنات انا الحين مسويه غرفة ولدي ورق جدران

اشدعوه يتشقق لييش ؟؟؟؟؟؟


صراحه يعكي منظر حلو حق الغرفه

واحلى شي لمن تكون كل طوفه شكل او لون روعههههههههههه

وفي انواع قويه اصلا ما يبين ان ورق جدران

والي قالوا يتشقق وما ينفع شنو مجربين ؟؟؟؟؟

وبعدين اهوا مو كل الطوفه ورقه وحده

لا قطع ويركبهم يم بعض

واذا صار اي شي في جزء واحد يووون ويعدلونه

وانا خلا عندي رولات زايده قالي احتياط

وعيال اخوي مسوين غرفهم كلا ورق حائط

تدخلين غرفتهم ما ودج تطلعين

وصارلهم ما شالله الحين 6 سنين

ما اشوفه اخترب ولا تشقق !!!!!!

صراحه صعب يتشقق

والله انا الي اشوفه الصبغ الي يتشقق

وتسلمين واي اسئله انا حاضره

اي صح اغلى من الصبغ

انا غرفه ولدي طلعة علي 170 دينار

المتر كان بدينار ونص

والسقف اغلى ب دينارين ونص

بس ما شاء الله روعه

خليتله السقف ورق جدران غيوم صراحه روعه

بس الي ما يبي سقف مو ضروري يعني بس كشكل جمالي