ورق العنب وصل:icon28:
اليوم وكما وعدتكم
ورق العنب المميز واللي انافس فيه الكل
وعلى فكرة هذي الطريقة اعتمدتها من اكثر من عشر سنوات
صراحة خرافية وكل من ذاقها انهبل عليها
ماأحب امدح نفسي
لكن ابغاكم تدرون انه مافيه في الدنيا كلها اضبط منه
وهذي المقادير وانت احكموا
علبة ورق عنب جاهز(العلالي او اورلاندو او الكرسي الذهبي ) وصراحة افضلها الكرسي الذهبي
غير هالاشكال لاتستخدمين مايسوى عليك التعب في ورق مايستاهل
الحشوة
كاسين ونصف رز مصري
4 يصلات كبيرة مقطعه صغير مرة
2 حبة طماطم مقطعة صغير
بقدونس _ نعناع
ملعقة اكل ملح
ملعقة صغيرة قرفة
ملعقة صغيرة كمون
ملعقة صغيرةفلفل اسود
ملعقة صغيرة كزبرة ناشفة
ملعقة صغيرة ملح ليمون
شوي اجي نو موتو
عصير 3 ليمونات
ثلاث ارباع الكاس زيت زيتون
3 ملاعق دبس رمان
الطريقة
تخلط المقادير السابقة عدا الرز وتوضع على النار حتى تغلي ثم يحرك الرز معها وترفع من على النار وتترك حتى تتشرب وتبرد ثم يلف ورق العنب
يصف الورق الملفوف في قدر في اسفله بصل شرايح وطماطم شرايح ويوضع معه
كاس ماء + ملعقة صغيرة ملح
ويوضع فوقه صحن بدون مايضغط
ويطبخ لمدة ساعتين الا ر بع على نار هادئة
اهم نقطة انك ماتفتحين القدر بعد مايستوي الورق حتى يبرد عشان مايسود ورق العنب
واي سؤال ياحلوات انا حاضرة
اذا طبقتي بنفس المقادير والطريقة الكل راح يسألك كيف سويتيه
دعواتكم ياحلوات
