اليوم سويت ورق عنب وطلع يجنن (وحده تمدح نفسها) :hahaha:
ياللله خلينا نبداء بالخطوات
طبعا كل غرشة ورق عنب 2كأس رز مصري مغسول جيدا وطبعا لازم المويه تروح منه
صرة بقدونس مغسول
صرة نعناع مغسول
بصل صغير
فلفل حار
البصل+البقدونس + النعناع+الفلفل في الخلاط ينطحن زين مازين بعدين بعد ماانحطن نحط عليه :
كاسين رز مصري
نصف كأس زيت زيتون
نصف كأس عصير ليمون
رشه ملح
بهارات الكاري ملعقتين اكل طبعا انتو اذا تبون اتزيدون او تنقصون بيكفكم
ملح ليمون اشوي واتذوقونه وتشوفون ملحه زين وحموضته
بعدين نبداء لف ورق العنب وبعد ماخلصنا نجيب القدر ونصف تحت بطاطس دوائر ونصف وروق العنب زين جنب بعض وبعدين نحط هاذي الخلطه :
تذوبين 3 مكعبات مرقة ماجي مع كـأس ماء وبعدين نص كاس عصير ليمون ونص كأس زيت زيتون وملح ليمون
ونحطه فوق الورق عنب ونغطيه بصحن طبعا المويه تكون فوق الصحن بشوي بعدين اغطي الجدر واخليه النار على الهاي اول شي وقبل مايفوح بشوي احطه النار على الواطي نخليه ساعتين بس وبس انخليه يبرد
