اللهم صل على محمد..
اليوم جايبة لكم ورق العنب اللي كل من ذاقه أخذ مني طريقته وهي سهلة جدددا وما تاخذ وقت أبد..
كنت إذا سويت ورق العنب أمل من كثر ما أقطع البصل والطماطم وأعصر بالليمون بس الحين الحمد لله كلش سهل مع هالطريقة الخونفشارية اللي اخترعتها.. :)
نبدأ بسم الله..
المقادير:
ورق عنب (أفضل نوع حسب تجربتي ورق عنب بناتي حلواني اخوان) طري ويستوي بسرعة وما فيه خيوط.. << وصف :)
كأس رز مصري
حبتين طماطم متوسطة حمراء
حبة بصل متوسطة
حبة فلفل رومي متوسطة
بهارات
مكعبين ماجي
كأس زيت زيتون
ملح
كأس ونصف عصير ليمون (وحتى تكون طبختك سريعة أنا استعملت الليمون المعصور جاهز (ريليمون) يعطي نفس الطعم..
نعناع (حسب الرغبة)
بقدونس (حسب الرغبة)
المقادير تكفي لعدد 60 حبة ورق عنب تقريبا.. يعني نصف أو أقل من نصف العلبة..
أنا سويت نصف المقادير ذي.. لأن ما في غيري وزوجي وبنتي..
نجي للطريقة السهلة: نسيت أصور الطريقة من البداية..
1- ضعي الطماطم المقطع أرباع مع البصل المقطع أرباع مع مكعب ماجي مع النعناع والبقدونس المورق في الخلاط << اختراع عجازة :)
واخلطيهم زيييييييييييين..
2- ضعي في مقلاة نصف كمية زيت الزيتون وصبي فوقه الخلطة السابقة وكأس عصير ليمون وخليه لين يقلب ويطبخ ثم أضيفي الملح والبهارات والرز المنقوع وإذا ما نقعتيه ما في مشكلة.. وخليه لين يشرب الرز جمييع السوائل.. بس انتبهي لا ينشف مرة خليه طري وقلبيه كل شوي لأنه يلصق في المقلى..
الحين الحشوة جاهزة..
جيبي الورق وابدي لفي.. وتكونين مجهزة قدر وراصة في قاعته شرايح بطاطس وصفي الورق بالترتيب..
توي تذكرت وبديت أصور :)
ثم أضيفي على القدر باقي الزيت وباقي الليمون وحبة ماجي مذابة في ماء مغلي حتى يغطي الورق (انتبهي لا تكثرين) بس يغطي أطرافه مثل ما في الصورة
وغطيه بغطاء قدر ثاني أصغر من الغطاء الأصلي للقدر حتى يضغط ع الورق ولا يتفتح وبعدين غطيه وحطيه على النار العالية لمدة خمس دقايق وقصري له لآآآخر شيء وخليه لين يشرب كل مويته (ساعة بس تقريبا)..
ولا تفتحين القدر وهو حار بعد ما تطفين عليه خليه يبرد لأن الهواء يسبب سواده..
وبالهناء والشفاء.. وهذا للي يردون كل وحدة حبة :)
ولا تنسوني من دعوة صالحة وإن ربي يسهل ولادتي..
الله يعطيك العافيه