ورق عنب فديت الي يحبوني

السلام عليكم ورحمه الله وبركاته
الحمد لله انا اسوي ورق عنب فضيع لدرجه ان جيرانا اذا صار عندهم عشا او جمعه حريم يطلبون مني اسويلهم ورق عنب

فما حبيت ابخل عليكم باالطريقه




انا استخدم ورق عنب كاليفورنيا واذا استخدمتي ورق عنب قودي هم بعد مافيه مشكله


انا انقع كاس ونص رز مصري لعلبه ونص من ورق العنب بس لاني دايم الف ورق عنب دايم الف ثلاث علب انقع ثلاث كاسات
وبعدين بعد ماتصفين ورق العنب من المويه تقطعين حبه بصل صغار حيل وتحطينه عليه وتقطعين شوي شوي بس بقدونس وشبت ونعناع ناشف او عادي ورقه نعناع تقطعينها صغار وتضيفينها للرز
بعدين تحطين باالخلاط
(حبه ماجي وطماطمه وحده ومعجون طماطم وتكثرين منه وفص ثوم وبهاراتك بهارات وكركم وفلفل اسود وشوي ملح
وتخلطينهم وتحطينه على الارز
واذا شفتي ان الخلطه مو لونها احمر حطي معجون طماطم زياده وحركي
بعدين جيبي اله لف ورق العنب ولفي ولاتكثرين الحشو يعني الملعقه الصفيره حططي نصها
وبعدين ماتخلصين لف ورق العنب
حطيها بعلبه وحطيها بفريزن تدرين ليش لان ورق العنب اذا طبختيه اول ماتسوينه يطلع بعض الرزمستوي وبعضه لا وانا دايم افرزنه قبل العزيمه بيوم عشان اذا طبخته يطلع كله مستوي
واليوم الثاني جيبي القدر وصفي ورق العنب فيه وهو جامد ورصيه جنب بعض
وبعدين جيبي قدر صغير وحطي فيه مويه وحبه ماجي ومعجون طماط مولما يفوح وتذوب حبه الماجي حطيه على ورق العنب وتكونين من قبل مغطيه قدر ورق العنب بغطاء اصغر منه وحاطه عليه نجر او شي ثقيل المهم ان المويه تكون مغطيه ورق العنب
وحطيه على النار ساعه ونص او ساعتين وطلعي حبه اذا استوت حبه خلاص
جيبي نص كاس زيت زيتون واعصري فيه ليمونتين او ليمونه زي ماتحبي يكون وصبيها فوق وولعي ع النار خمس دقايق بعدين اقلبيه باالقدر وباالعافيه على قلبك


واذا عجبكم لا تنسوني من دعواتكم