مقادير الحشوة 2 كوب رز مصري 1 باقة بقدونس نص باقة كل من كزبرة نص باقة نعناع نص باقة شبنت 2 جزر مبشور ناعم 1 فلفل اخضر مفروم 3 بصل كبير او 4 وسط او 6 لو صغار مرة 4 طماطم كبار او 6 وسط او 8 لو صغار نص صلصة طماطم 1 ونص ملعقة ملح صغيرة 2 ونص م ص ملح ليمون ولاتصيرو بخيلين م ص بهار مشكل نص م ص كل من : قرفة - كزبرة - كمون ربع ملعقة كل من ففل احمر - فلفل اسود 4 عصير ليمونات 4 م ك دبس رمان والسر 2 م ك سكر بس مو مليانين اخلطو معاه ربع كوب زيت زيتون وصدقوني مو قليل وانا بقول لكم ليش لان لو كثرتو زين بالحشوة البهارات والملح والمنكهات ماتبان بالرز لان الزيت يعزل الطعم المهم اخلطوهم وحطوهم على النار وحطوهم على نار عالي وقلبوهم لايلزق الرز بقاع الطنجره لما تحسو الماي بقى منه شوي بس مرة طفو لاتخافو والحشوة تبرد الرز بيشرب كل الماي في ناس تحب تطبخ ورق العنب بماي حشوته وانا مانصحكم لان طعم الخضار تعطي ساعات طعم مرة واختلاط النكهات بعد ساعات تخرب طعم ولون ورق العنب الحين استوت حشوتنا وحشو فيها ورق العنب عادي، نجي طريقة الطبخ وركزو معاي افرشي الصينية بطبقة قصدير وخليها تزيد معاكي وارجعي بعد حطي طبقة ثاني وخلها زيادة لان بنغطي فيها ورق العنب افرشي الصينية اللي مفروشة بالقصدير ببطاطا شرايح،، مهم جدا لان ورق العنب مالح ولو ماعملتي هالخطوة ورق العنب بكون جدا مالح فالبطاطا يمتص اي ملح زايد بعدها صفي ورق العنب انا افضل طبقة وحدة وحطي فوقه هالخلطة م كبيرة دبس رمان مع عصير ليمونة مع م ك مليانة كاتشب مع 3 ملاعق كبار زيت زيتون بس مو تكثرو زيت زيتون ولاتخافو حنجي لزيت الزيتون بعدين ؛؛ طبعا لاتنسو لاتحطو ملح ابدا بهالمرحلة بس وغطي ورق العنب بالقصدير باحكام وهذي صور الحين في قاع الصينية تحطو ماي طبعا بيكون الماء معزول عن ورق العنب بقصدير واللي يبي يحط الصينية بحمام مائي براحته بس انا احط الماي تحت القصدير وكذا استخدم صينية وحدة بس وبنفس الوقت يستوي ورق العنب على حمام مائي الحين حطوه على النار بس يغلي الماء على نار هاديه نص ساعه
