ورمات صغيرة تحت الابط

السلام عليكم ورحمة الله وبركاته


اخواتي انا حرمة في بداية العمر ولله الحمد


من ١٠ او ٨ سنوات تقريباً جاتني مثل الالتهاب او حاجة متورمة تحت الابط اليسار و طنشتها لاني افكرها حبة عادية
المهم كان المها شديد و كنت انتف الابط واحافظ على نظافتي والتعرق حتى ما استخدم مزيلات عرق صناعية وملتزمه بكريم منزلي انا احضره ( شبه وماء ورد و كريم مرطب ونشا )
وبعد سنه تقويباً مليت و قلت لاهلي وصرنا من مستشفى لمستشفى ومن موعد لموعد واخر شي رحت لجراح سعودي وقال لي انها بسبب ازالة الشعر وهي منطقة حساسة ومن هالكلام وان هذي اسمها الغدد العرقية الجنسية
طبعاً طول فترة تورمها كانت تطلع خراج مرات وتألم ومرات تهدأ وهكذا وكنت استخدم غسولات وحبوب مصادات


وبعد هالموعد صرت اعمل ازالة بالليز والحمدلله ماعاد ورمت ولا حاجة بس صار لها اثر مثل الحفر و تغير اللون تحت الابط


ومن اسبوع صحيت من النوم على ألم تحت الابط الثاني السليم الايمن و قلت يمكن دمامل تابعه للدورة
طبعاً انا ام لطفل عمره ٧ شهور و ارضع رضاعه خفيفة وقريباً راح اوقف لانه يحاول يعضضني و اشوفه يرفض الرضاعة
والالم ثاني يوم زاد و التورم انتفخ وطلعت مثل الكور يعني انعاد الموضوع


وماني عارفة اروح اي قسم بالمستشفى ؟ جلدية ولا جراحة عامة ؟
انا بمنطقة الرياض و ابغى افضل دكاترة هناك لاني صراحة حاملة هم


ساعدوني اخواتي و ادعوا لي بالشفاء العاجل