الله يشفيك اختي اما عن الاعراض كنت احس بتنميل في اليد واحيانا الم بسيط في الصدر خصوصا لما البس حمالة الصدر بس مو الم قوي
وانت اختي ايش عندك سويت العمليتين في مستشفى الماني عسير

يااارب يشفيكي والله انا خايفة مررررة
كان يجيني ألم في صدري من قبل تقريبا 9 شهور
وانا مااتكلمت كانت تجيني زي النغزاات في صدري والم مرة قووي
المهم ومااتكلمت ولا قلت لاحد كنت مرة خاايفة وانا لسا صغيرة عمري 18 سنة
وقبل شهرين في شهر 7 لمن شفت الالم زااد قلت يابنت اتكلمي وقوولي للي في
البيت وقلت لماما وهاوشتني وعلى طول على المستشفى ورحت مستشفى خاصة
واول مادخلت ع الدكتور كشف عليا وسويت أشعة وبعدين قالي ورم حمييد لازم عملية
ورجعت البيت طبعا وجاتني أزمة نفسية الحمدلله على كل حال وبعدين لمن دخلت ع النت
صرت اقرا انو لازم يعملو خزعة او حاجة زي كده والله مااعرف بعدين قلت اكييد انوو المستشفيات
بس يبغو فلوووس وكذا حسبي الله ونعم الوكيل عليهم وبعدين مارجعت مرة تانية بس ابغى مستشفى
في جده معرووفة للاورام عشان ارووح عندهم بس مررررررررررة خااايفة ياااربي ارحمني وهيا هادي
قصتي كلها ادعيلي بس

الله يشفك ياااااااااارب

وجميع مرضي المسلمين

سؤالي حبيبتي لماكشفتي باالاشعه بااااااان معك الورم

الله يخليك ضروري تردين علي الله يشفيك

اختي ام عزيز 2 با بالاشعه التلفزيونية وهو 2 سم وبعدين لما كبر سويت اشعة ماموقرام وهي خاصة بالاورام بس مايبان نوعه الا بالتحليل

لاباس طهور ان شاء الله .. الحمدلله اولا وآخرا ..
ياغاليه لاتضيقين وتضايقين غواليك اللهم لك الحمد الطب تطور وكل شي تطور بإذن الله بيرجع كل شي طبيعي لكن الله الله بالنفسية والتفاؤل وارقي نفسك ياقلبي ولاتحزني على مافات قولي هذا مكتوب عند رب العالمين وبإذن الله بتعافى ويمن ربي علي بالشفا وبرجع لحالتي الطبيعيه ان شاء الله ..

الله يخلي لك عيالك ويحفظهم من كل شر ويخلي لك زوجك ويسخره لك ويسعدك ويعينك يارب .. ماعليه صبر جميـل والله المستعان وبتصير ذكرى وبتكملين حياتك اختي

اسأل الله العظيم رب العرش العظيم ان يشفيك شفاءا تاما لايغادر سقماا يارب العالمين ..