ورم في الثدي

السلام عليكم ورحمة الله وبركاته


اسأل الله الكريم رب العرش العظيم بأن يشفي مرضانا ومرضاكم وجميع مرضى المسلمين

اللهم اشفي من ابتليت بهذا المرض واعطها الصحه واعافيه

اللهم اجعل ما اصابها تكفير لذنوبها وزيادة اجر ياارب العالمين امييين



بنات انا قبل سنتين تقريبا طلع في ورم في الثدي اليسار

طبعا احسه بشكل واضح

اذا ظغطت عليه ما احسه يوجعني

فيه قساوه ويتحرك ببطئ عند تحريكه

المهم رحت للمستشفى

ولأني كنت حامل ..قالوا الأشعه فيها خطوره على الجنين

الدكتوره سوت لي اشعه سونار عادي

وقالت لي ان شاء الله خير

اعتقد بأنه حميد ..وراحت وسوت لي اشعه جهت الثدي اليمين
وقالت حتى هنا عندك نفس الشي تكتلات صغيره

من كلامها طمنتني انه حميد

حولتني على المستشفى

طبعا رحت الدكتور واخذ مني خزعتين

وقال النتيجه بعد اسبوع

طبعا جبنا النتيجه وقال وحده من الخزعات حميده ..يعني كيس دهني

والخزعه الثانيه ما بينت لازم نعيدها

وانا كنت حامل بشهوري الأولى وما رحت

واللحين صار لي سنتين من اول ما اكتشفت الورم
ولا رحت اسوي اشعه ولا خزعه ولا شلت الحميد

والورم باقي مكانه ما تغير

والحمدلله مافيه افرازات من الثدي ولا فيه اي شي

وبنتي رضعتها ست شهور طبيعي

يعني ما حسيت بأي تغيرات بالثدي


وش رايكم ارجع افحص مره ثانيه

ولا بما انه حميد اتوكل على الله وانسى

مع ان الدكتور قال وحده من الخزعات مابين معانا شي
لازم نعيد لها التحليل للإحتياط

ووحده من الخزعات بين كيس دهني

اللي اقصده يابنات ..هل الورم الخبيث عافانا الله وايكم وكل مريض منه
اقصد اذا طول له اثار خارجيه ..مثل انتفاخ الصدر وخروج دمامل وافرازات ..والام بالثدي
يعني الورم الخبيث اذا طول واخذ سنتين يبين ..على الوحده

ولا هو مرض داخلي يكبر وماله اثار خارجيه مثل اللي ذكرتها


اتمنى تفيدوني

تحياتي لكم