جربو رجيم الحليب والتمر :)

ممتاز

هلا بنات
هي نفس مشكلتي بالريجيمات السابقه وانحلت بفضل الله
لازم تتبعين عدة اشياء
واذا ما نزل وزنك باذن الله تعالي خانقيني
اولا
ثلاث ايام فواكه وخضار فقط ولازم ضروري كل ساعتين تاكلين شي
والفطور بهالثلاث ايام عسل وماء + كوب حليب خالي الدسم
والعشاء لبن زبادي + 5 تمرات على الاكثر
ثانيا
بعد هالثلاث ايام
يكون نظامك
الصبح على الريق ملعقة عسل وماء يوميا
بعدها بساعة تقريبا
فطور خفيف جدا او فاكهه

والغداء لازم بروتين مايزيد عن 70 جرام + خضار كثيييييييييييير( كل ما كثرتي احسن)

بعدها بساعتين ثلاثه فاكهه او حبة تمر

ثم الساعه 6 تقريبا العشاء
لبن زبادي مع خس او خيار

الحكمه من الريجيم
جعل مستوى الايض بالجسم مرتفع عن طريق الاكل المستمر بحيث يستمر حرق الهون طول اليوم
لانك اذا وقفتي اكل بتوقفين بالتالي حرق الدهون
استهلاك اكلات ذات سعريات حراريه سالبه بكميات كبيره مثل الخضار المسلوقه والسلطات بدون زيت
عندك مثال الباميه والكوسا مطبوخين مع صلصه وطماطم وكلي منهم بالهبل مو مشكله
وعندك الخس والخيار قرمشيهم باستمرار مو ضروري سلطه مقطعه
مسموح لك قطعتين توست باليوم او ما يعادلها من النشويات
ممنوع السكر العادي

بنات هذا حصيلة بحثي وتعبي بالريجيمات
توصلت لهذا النظام لكسر الوزن
ونظام اقل قسوة شبيه به نوعا ما للحياه بشكل عام
ارجو ان تستفيدوا منه
واذا التزمتم فيه بدوووون لخبطه بينزل الوزن باذن الله

بنات ملاحظه اخرى
لا تستمرين عليه اكثر من اسبوعين لانه متعب شوي
واذا حسيتي انك استفدتي عليه خبريني
واعطيك النظام الثاني اللي هو ممكن يعتمد كريجيم للحياه بشكل مستمر بل وعلى العكس بتلاحظين الفرق الكبير بشعرك وبشرتك باذن الله

والله يوفقكم

اختكم
ام عبدالرحمن

اهلين خيتو
شوفي انا صراحه ماني متاكده من معلوماتي لانها ملاحظاتي على نفسي بس مدري وش المقياس
ترى تقليل الاكل مو مقياس محسوبتك سويت دايت اول اسبوع نزلت 4 كيلو و3 اسابيع على كيلوين
ليه اتوقع لاني ماغيرت بالنظام الاا اشياء بسيطه
يبيلك كل مره تجددين طريقة اكلك وامشي على شي صحي اكثر من انه دمار جسمي زبادي ومازبادي
اول كنت احسب ان كل ماقل الاكل يحرق دهون
صراحه مالي خبره بردات فعل الجسم
بس وربي فيه رجيم كنت اكل فيه اكل الله لايوريك كان 4 ايام من رياض الهجن وفيه مويه كثار وكان وزني شبه ثابت اسبوعين وربي ب 4 ايام نقصت كيلوين
كانت الدكتوره تقولي انو احنا نبي نزيد بالاكل ونقلل
ومره وحده قالت لي معلومه انو الحرمان ماينحف
يعني تخيلي مره قعدت 3 ايام على عصير اناناس كي دي دي وبيضتين تعشيت عليهم ثاني يوم
لما قست 3 يوم لقيتني زايده مع انو مو يوم دوره ويمكن لانو وقتها كنت البس مشد
بس مادري هو لان الجسم ماياخذ راحته مع المشد او لانو ماكنت اكل اكل صحي
مع العلم ان لي شهرين كل يوم تقريبا امشي ساعه
بس لما يثبت الوزن افضل شي فكي رجيم كم يوم وارجعي كمليه او غيري نظامك
تخيلي بعد حق الاناناس باسبوع قالت لي وحده جربي ماتاكلين شي بعد النادي
انا قبلها كنت اصلا مابدا اكل الا بعد النادي لاني اقوم من النوم واروح النادي امشي على جوع
المهم كنت كل يوم اروح لكوفي اتقهوى قهوه مثلجه حاليه وشوكلاتات وب3 ايام نقصت لانو بعد الحرق بالنادي مايطب بطني غير المويه

ناويه بكره ابدا رجيم بروتين انا مره مناسبني باسبوع ينقص 4 كيلو بس يثبت بعدها وانا صارلي فتره ماتبعت نظام غذائي بس امشي فان شاء الله يفيد
اشربي مويه كثير تقريبا 8 كاسات باليوم ترى تنحففف بس انا ماقوى عليهم ومهمله اللي يقويني
وجربي الاناناس الطبيعي انا اول ماجربته نحفني الحين لا مدري ليه

وترى يمكن اللي يناسبك مايناسبني ولاحظت ان الاشياء اول مره تفيد بعدين لا مدري ليه :icon33:
زي صديقتي تقول تشرب شاهي جامبو الاخضر ونحفت منه وتزوجت وولدت وانتفخت ورجعت شربته ثانيه مافادها معاناه لين نزلت


وبالتوفيق

لازم تكسرين الرجيم يعني يوم خربطي فيه بالاكل و ثاني يوم رجعي للرجيم