قلب^رشودي @klbrshody

عضوة جديدة

وزني كان قريب ال100 ووصل 80 وماقدر اكمل :( Help me

السلام عليكم

انا سجلت معاكم وانا من زمان ادش المنتدى واحبكم في الله خواتي العزيزات بفضل من ربي وشوي عزيمه قدرت انزل من وزني مايقارب ال20 كيلوا

كنت قريبه من ال100 ووصلت بعد سنه وشوي 80 واذا اكلت يصير وزني 81 او 82

مشكلتي مو اهني مشكلتي اني وانا متينه وبطه ودبه صدري ملياااااااااااان وكنت انحرج وايد :( ماتتصورون اذا صار عندنا عرس ولا حفله اسوي روحي مريضه ومابي اروح عشان صدري ملفت للأنتبهاء ولا اكلم احد بهالموضوع لدرجه والدتي لا أقبلت بالصاله عيونها على صدري؟ الخدامه اذا بتكلمني اول ماتشوف صدري مايشوفون ويهي؟؟ كبير نسبيا بالنسه لهم لانهم صدروهم وسط مايل للصغر وانا مليان واااايد يعني كان مقاسي وقتها 40 D

اذا طلعت مكان ولا رحت الكليه ولا مكان اطالع نظرات لاتعجبني علما بأني اخاف الله والبس واسع هم ماكو فايده قلت ماكو الا اني انزل وزني وفعلا قدرت انزل وزني وخف صدري وستياناتي قطيتهم صاروا كبار علي نسبيا صار مقاسي الحين 38 سي

ادري بتقولون وين المشكله المشكله اني نخطبت قبل فتره ومقبله على حياة زوجيه جديده وصدري ماتتصورون شكثر مترهل وسايح :( مابي الوع جبدكم بس فعلا ابجي ساعات لدرجه ماكل شي وتنسد نفسي وافكر افج الخطوبه وكاتزوج من هالسالفه غير جذي ماتتصورون الألم اللي احس فيه بجتفي وظهري من حمالات الصدر والله يا بنات صوب جتفي يصير خط احممممممممممممممممممممممممممممممممممممممر محزوز من الشد :( واحس لمه اقط الحمالات جنه احط يتل صدري لمه تحت ووقت الدوره عوار فضيع ماقدر انام

ودي اسوي عملية شد ورفع وتصغير حق صدري أرممه محتاجه هالشي حيل اولا عشان عوار ظهري وجتفي والاحمرار يروح من كثر الشد وثاني شي تتعدل نفسيتي لاني منغلقه على روحي وومتعقده ممن صدري علما بأنه عمري 22 سنه :(
فياريت تنصحوني وتقولون لي هل يجوز اني اسوي العمليه؟ اهيا مو من باب التجميل فقط إنما عوار بجتفي وظهري ولا يعلمه الا ربي وغير حزة الستيان حتا مره امي تقول لي شفيه جتفج شوي وابجي وقمت احاول اخفي صوب جتفي بالبيت لايبين خط الستيان من كثر ما اهوا احمر وانا ماقطه الا وقت النوم فياريت تساعدوني وتقولون لي شنو اسوي؟؟

للعلم انا خوافه واخاف من الابر بس لو تقولون لي مدى خطورة العمليه؟ وجم نسبة نجاحها لاني ناويه اسويها بأذن الله انتظر ردودكم وارجوا انكم تدعون لي الله يوفقني ويفرج همي ويسخرلي راشد خطيبي يكسر خاطري احبه حيل وافكر الف مره واتردد واقول حرام اخليه عشان هالعذر تعبت نفسيا

يلزم عليك تسجيل الدخول أولًا لكتابة تعليق.

تسجيل دخول

ذهــب • 16 سنة

والله ماعندي خلفيه عن عمليات الشد بس أسمع أن خل التفاح يشد مع الرياضه اللي تلامسين إيديكي من ورا ظهرك ياليت تكوني فهمتي علي أتمنى البنات يفيدونك بهالشي ويارب يوفقك حبيبتي

خـزامـى • 16 سنة

اول شيء اقولك مبروك على نزولك 20 كيلو مشاءالله ولاقوة إلا بالله ومبروك على الخطوبة..

عن عمليات التجميل لأنك محتاجتها انا افضل تسئلي شيخ عن حكمها..

ولو قالك سويها لازم تتأني في الاول وتسئلي عن طبيبة شاطرة ويكون في احد تعرفية جرب عندها..

والله يوفقك..

قلب^رشودي • 16 سنة

ذهــب :

والله ماعندي خلفيه عن عمليات الشد بس أسمع أن خل التفاح يشد مع الرياضه اللي تلامسين إيديكي من ورا ظهرك ياليت تكوني فهمتي علي أتمنى البنات يفيدونك بهالشي ويارب يوفقك حبيبتي

والله ماعندي خلفيه عن عمليات الشد بس أسمع أن خل التفاح يشد مع الرياضه اللي تلامسين إيديكي من ورا...

حبيبتي اشكرك وجزاج الله الف خير وللأمانه انا استخدمت خل التفاح ولا اكو فايده كلللللللللش الترهل فضيع مايحتاج الا عمليه ومشكوره على الدعوه

قلب^رشودي • 16 سنة

خـزامـى :

اول شيء اقولك مبروك على نزولك 20 كيلو مشاءالله ولاقوة إلا بالله ومبروك على الخطوبة.. عن عمليات التجميل لأنك محتاجتها انا افضل تسئلي شيخ عن حكمها.. ولو قالك سويها لازم تتأني في الاول وتسئلي عن طبيبة شاطرة ويكون في احد تعرفية جرب عندها.. والله يوفقك..

اول شيء اقولك مبروك على نزولك 20 كيلو مشاءالله ولاقوة إلا بالله ومبروك على الخطوبة.. عن عمليات...

الله يبارك فيج ياااارب وعقبال كل البنات يارب والله يعلم اني المفروض اكون مستانسه بس انا العكس من هالسالفه والنفسيه ساعات اقول اخاف ينغش فيني لانه شي فضيع :(
وياريت تفيدوني استحي اسأل بالمسأله اللي تعرف فتوى تقول لي وربي يوفقها دنيا واخره

عطر الزهور2006 • 16 سنة

انا انصحك سوي عمليه قبل الزواج لانو راح يترهل عقب الزواج والحمل والولاده :(

وكمان وقت العمليه يكون ثبتي على وزنك المثالي والدكتور يقدر يقيس لك شكل وحجم صدرك الجديد حسب جسمك ...اعملي ريجيم اكثرر من كذا عشان ياخذ مقاس صدرك ع جسمك ...

واتوقع 38 سي حلووو المقاس مو كبير عادي جدا يعتبر لارج بس .....