وزن بنات اليوم والزواج وحالي كيف يتغير مع تغير الجيل

بنات ارجوكم تكونون صريحييين معي

احتاج لناس صادقين مايجاملوني

هل انا مريضه او طبيعيه ؟
القصه ومافيها عمري في الثلاثينات وتعرفون الحياه تغيرت كثير

وفيه برامج ومقاطع وتشوفون كيف اجسام البنات نحييييفه
انا احس المجتمع ماعاد يبي اللي زي اجسامنا اقصد الجيل السابق
يفضلون سواء حريم او شباب البنات الروينات المليانات
الاحظ حتى اما اقرا بالمنتديات والانستقرام وكل مكان اوزانهم على 48 و50
تعرفون ان البعض اذا وصلت 48 قالت انا مرررره سمنانه هالايام
موضوعي مو مرتب لكن اتمنى توصل الفكره
انا صرت افكر في نفسي من مراهقتي وجسمي مليان
لو نحفت الى وزن 48 بيطلع جسمي ووجهي بشع ويخوف لان مو هذا تكوين جسمي
هل اللي نشوفهم مراهقات وبنات 20 وهذا تكوين جسمهم؟
هل الحين هذا هو الذوق العامه والاناقه والجاذبيه بهالجيل ؟
المهم انا كيف اتخلص من هالشعور بنجن ابي اصير مثل هالبنات
وخصوصا انا ماتزوجت واشوف الناس تميل للبنات الرشيقات النحيفات بقووووووه
حتى بالزواجات اشوف البنات نحيفات اكثر وبعد اشوف حتى بالزواج والنصيب البنت النحييييفه تتزوج بسرعه وكذلك السمينه بس اللي بالوسط حظها مو تمام دايماً
انا طولي 158 ويقولون لي لازم وزني 58 انا كنت مليانه بقوه وبالموت نحفت والحين كيف اوصل 58 على حسب الذوق بهالجيل اعرف ان الزواج نصيب ماله علاقه بالوزن لكن اتمنى تفهومني الكل صار الحين يميل للنحافه بتقاسيم انثويه كيف مدري انا مليانه ومافيني تقاسيم انثويه زيهم لي كرررشه اول كان الشاب يتقبل اليوم لا وعجزت مالقيت لها حل
والله شي يحير الزبده لما تخطبين لخوك او ولدك بغض النظر عن شروطه هل تحسين الرشيقه اصغر واجمل ؟ على اساس لما تحمل وتولد بتسمن؟
كيف اتخلص من التفكير بوزني لاني احس دقه قديمه الناس اليوم تهتم بتفاصيل وتقاسيم الجسم اكثر من الوجه لان بالمكياج كل البنات حلوات ؟
كيف اتخلص من شعور عدم زواجي الى هالعمر وان لازم اواكب هالجيل واسوي مثل ستايلاتهم
كارههه جسمي وصرت مابي اكل وكله افكر بجسمي المشكله كل من شافني قال عاديه مانتي سمينه
ليش احس ابي اصير زي البنات واحساسي اني كبرت وابغى جسمي يصير زي البنات العشرين
ارجوكم انصحوني وادعولي بالزوج الصالح الاعزب والتوفيق في حياتي يمكن من فيكم دعوتها مستجابه ولها بالمثل
والله محتاج لرايكم تعبت من التفكير احس مهمله نفسي وماعتني في حالي لاني 24 ساعه بالبيت
وشكلي كاني عجوز احاول واحاول وافشل لاني عاطله وبين 4 جدران وضاع العمر ماعرف شسوي في حالي الحمد لله يارب