وزن بنتي ؟؟؟

عطبها منقوع التمر مع حلبه نقعيلك خمس تمرات مع حلبه بمويه حاره وبعد ساعتين أشخليها وحطيه برضاعة مره ممتاز والحلبه مو كل يوم مره بالأسبوع ولا مرتين بس التمر كل يوم رضعه

مشكوره حبيبتي المعلمه حنان الله يسعدك يارب

سمعت ان الحلبه ماتنعطى لأقل من سنتين لانها تاثر على الكلى ؟

رفع

كم وزنها بالضبط ؟؟؟

اديها تمر منقوع ويانسون وشمر وكثري رضعات الحليب لها ...

ربي يحفظها لا تفكري في تسمينها لأن بتتعبك اذا كبرت كان عندي بنت لمن ولدتها كان وزنها 2كيلو و200 جرام وبقت صغيره ونحيفه ولمن صار عمرها سنتين كنت اجيب لها ملابس من سنتر بوينت مقاس 12 شهر ولمن كان عمرها 3 سنوات كنت اجيب لها ملابس مقاس 24 شهر وما خليت خلطة تسمين ما استخدمتها وكنت اشربها حلبه وتمر و تجلس تبكي من بطنها لين تستفرغ بعدها نصحني طبيب مصري اشربها حليب بروجرس لعمر 3 سنوات و استخدمته لها و ما انتهت السنه الا والبنت بتتفقع من العافيه الحمدلله

لكننننننننننننننننننننننننننننننننننننننننننننننننننننننننننننننننن تعالي شوفي الحين البنت سنة ثانية ابتدائي ما القى لها بناطيل جنز على مقاسها اخذ لها مقاس 13 سنه تخيلي
و الفساتين ما تقدر تتهنى في اي فستان لان تحس فيه يخنقها و بطنها مكرش وطلع لها ديوود صغيره المهم الحين اضطريت اروح اعمل لها تحاليل غدد و قالي الدكتور ان عندها وزن زايد واحتمال بلوغ مبكر ..!
ولساعتني انتظر نتايج التحاليل على يوم السبت ان شاء الله

اختها الصغيره عصلاء و نحفانه و اكلها اكثر من اختها لكن تلبس ملابس عمرها ومرتاحه ونومها زين و لعبها زين و ما تتعب زي هذيكا الحر يتعبها والبرد يمغص بطنها الله يعافيها
تو تتعشى وانا اقول لها كولي نص صحنك حتى تقدري تلبسي ملابسك وانتي مرتاحه


فلا تحملي هم غذي بنتك بالغذاء الطبيعي لكل عمر و لا تدوري للسمنه ..

والسموحه